Ahilyanagar News: अहिल्यानगर जिल्ह्यात यंदा रब्बीच्या पेरणीस उशीर होत असल्याचे चित्र आहे. यंदा आतापर्यंत सरासरीच्या केवळ ४१.४५ टक्के पेरणी झाली आहे. सर्वाधिक ५०.२९ टक्के पेरणी ज्वारीची झाली आहे. मात्र, आतापर्यंतची स्थिती पाहता दरवर्षीच्या तुलनेत ज्वारी पेरणीचा वेगही कमीच आहे. वाफसा नसल्याने पेरणीत अडथळे येत असल्याचे शेतकऱ्यांनी सांगितले..अहिल्यानगर जिल्ह्यात रब्बीचे ४ लाख ४९ हजार ६६७ हेक्टर सरासरी क्षेत्र आहे. आतापर्यंत जिल्ह्यात सरासरीच्या १ लाख ८६ हजार ३६८ हेक्टर क्षेत्रावर ४१.४५ टक्के पेरणी झाली आहे. त्यात ८१ हजार ९२३ हेक्टरवर म्हणजे ५०.२९ टक्के पेरणी ज्वारीची झाली आहे. .आतापर्यंत अहिल्यानगर तालुक्यात सर्वाधिक म्हणजे ६३.६४ टक्के, त्यापाठोपाठ कर्जत, शेवगाव तालुक्यात ५३ टक्के, श्रीगोंदा तालुक्यात ४० टक्के, जामखेडला ३२ टक्के, संगमनेरला ४७ टक्के, श्रीरामपूरला २८ टक्के पेरणी झाली आहे. पाथर्डीला २४ टक्के, राहुरीला २८ टक्के, राहाता तालुक्यात ३७ टक्के, अकोले तालुक्यात २४ टक्के, नेवासा तालुक्यात ४१ टक्के पेरणी झाली आहे.Farmers Relief: अतिवृष्टी, रब्बी हंगाम अनुदानाचे ९१८ पैकी ५५३ कोटी रुपयांवर वाटप.रब्बीत ज्वारीचे सर्वाधिक व त्यापाठोपाठ हरभरा, गव्हाचे क्षेत्र असते. रब्बीची स्थिती यंदा चांगली राहील, अशी स्थिती आहे. अतिवृष्टी, पुराने जिल्ह्यातील अनेक भागांत मोठे नुकसान झाले होते. त्यामुळे अजूनही अनेक भागांत शेतीत पाणी साठून राहिलेले आहे. त्यामुळे अनेक भागांत वाफशाअभावी रब्बी पेरण्यांना अडथळे येत आहेत.गहू, हरभरा क्षेत्रात वाढ.Rabi Crop Sowing: रब्बी पेरणी १२ टक्क्यांनी आघाडीवर, गहू सर्वाधिक, 'या' कारणांमुळे अधिक क्षेत्र पिकांनी व्यापले.अहिल्यानगर जिल्ह्यात यंदा पाण्याची स्थिती चांगली आहे. सततच्या पावसाने कापूस व अन्य पिकांची नासाडी झाली आहे. यंदा रब्बीतील पेरण्यांनाही उशीर होत आहे. रब्बीत प्रामुख्याने हरभरा, गहू, मकाचे क्षेत्र अधिक असते..गव्हाची साधारण डिसेंबरअखेरपर्यंत पेरणी होत असते. यंदासाठी गहू, हरभऱ्याची पेरणी सुरू झाली आहे. महिनाभरात मोठ्या प्रमाणात गहू, हरभऱ्याची पेरणी होईल, असे कृषी विभागाकडून सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
