Ahilyanagar News: अहिल्यानगर जिल्ह्यात यंदाची रब्बीची पेरणी आता जवळपास संपल्यात जमा आहे. त्यामुळे यंदाही रब्बीची पेरणी अंतिम अहवालातही सरासरीच्या आतच राहणार असल्याचे स्पष्ट झाले आहे. आतापर्यंत जिल्ह्यात ९५.३९ टक्के पेरणी झाली आहे. गहू आणि मका क्षेत्राने यंदा पेरणीत सरासरी ओलांडली आहे. .अहिल्यानगर जिल्ह्यात रब्बीचे ४ लाख ४९ हजार ६६७ हेक्टर रब्बीचे सरासरी हेक्टर क्षेत्र असून यंदा आतापर्यंत ४ लाख २९ हजार ८२३ हेक्टर क्षेत्रावर (९५.५९ टक्के) पेरणी झाली आहे. यंदा पावसाची स्थिती चांगली असल्याने गहू, हरभऱ्याचे क्षेत्र मोठ्या प्रमाणात वाढेल असा कृषी विभागाचा अंदाज होता. सरासरीपेक्षा अधिक गव्हाची पेरणी झाली असली तरी त्या तुलनेत क्षेत्र वाढ झाली नाही. हरभऱ्याचे क्षेत्र मात्र सरासरीच्या आतच आहे. मकाचे क्षेत्र मात्र यंदा चांगल्या प्रकारे वाढले आहे..Ahilyanagar Kharif Sowing: अहिल्यानगरमध्ये खरिपाच्या क्षेत्राने सरासरी गाठली.यंदाही ज्वारीचे क्षेत्र सरासरीच्या तुलनेत कमीच आहे. मात्र यंदा पाण्याची स्थिती चांगली तसेच थंडीसह वातावरण चांगले असल्याने ज्वारी, हरभरा, मका, गव्हाचे पीक जोमात आहे. गहू, ज्वारी पक्वतेकडे असून पंधरा दिवसात काढणीला सुरवात होईल अशी स्थिती आहे. .हरभऱ्याची काही भागात काढणी सुरू होऊ लागली आहे.यंदा गळीतधान्यांची पेरणी केवळ ४२.५९ टक्के झाली असून, मागील वर्षी ती ६२.४९ टक्के होती. करडई, जवस, तीळ आणि सूर्यफूल या पिकांच्या पेरणीत मोठी घसरण झाली आहे..पीकनिहाय पेरणी क्षेत्र (हेक्टर मध्ये)ज्वारी ः १२३१६२ (७६ टक्के)गहू ः १५३३६९ (११९.३९ टक्के)मका ः ५१३९६ (१०६.४५ टक्के)हरभरा ः ९९८९३ (९२ टक्के).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
