Parbhani News: कृषी व महसूल विभागांकडून परभणी जिल्ह्यातील रब्बी हंगाम २०२५-२६ मधील पेरणी क्षेत्र मंगळवारी (ता. ३) अंतिम करण्यात आले आहे. त्यानुसार जिल्ह्यात रब्बीचे सरासरी क्षेत्र २ लाख ७० हजार ९७९ हेक्टर असतांना यंदा प्रत्यक्षात ३ लाख १५ हजार ७२२ हेक्टर (११६.५१टक्के) पेरणी झाली आहे. सरासरी क्षेत्राच्या तुलनेत ४४ हजार ७४३ हेक्टरने वाढ झाली आहे. .परंतु गतवर्षीच्या (२०२४-२५) तुलनेत ४ हजार ७५६ हेक्टरने घट झाली आहे. गतवर्षीच्या तुलनेत यंदा गव्हाचा पेरा वाढला असून हरभरा, ज्वारी, करडईच्या पेरणीत घट झाली आहे. यंदाच्या रब्बी पेरणी क्षेत्रात हरभऱ्याचे पेरणी क्षेत्र ५९.३४ टक्के, ज्वारीचे २८.५३ टक्के,ग व्हाचे ११.३२ टक्के तर करडईचे ०.३७ टक्के क्षेत्र आहे..जिल्ह्यात गतवर्षीच्या (२०२४-२५) तुलनेत यंदा तृणधान्यांमध्ये रब्बी ज्वारीच्या पेरणी क्षेत्रात ६ हजार २९२ हेक्टरने, मक्याच्या पेरणीत २३३ हेक्टरने घट झाली आहे. तर गव्हाच्या पेरणीत ४ हजार ८६८ हेक्टरने वाढ झाली आहे. कडधान्यांमध्ये हरभऱ्याच्या पेरणीत २ हजार ७२९ हेक्टरने घट झाली. गळितधान्यांत करडईच्या पेरणीत १९६ हेक्टरने घट झाली..Rabi Sowing: रब्बी पेरणीत जिल्ह्यात ३७ हजार हेक्टरची वाढ.जवसाच्या पेरणीत ११ हेक्टरने तर तिळाच्या पेरणीत १७ हेक्टरने घट झाली आहे. यंदा तृणधान्यांची १ लाख ३४ हजार १४१ पैकी १ लाख २६ हजार ८९२ हेक्टर (९४.६० टक्के) पेरणी झाली आहे..Rabi Sowing: तीन जिल्ह्यांत रब्बीच्या क्षेत्रात वाढ.कडधान्यांचेसरासरी क्षेत्र १ लाख ३५ हजार १९ असतांना यंदा प्रत्यक्षात १ लाख ८७ हजार ४८४ हेक्टर (१३८.८६ टक्के) पेरणी झाली. गळितधान्यांची १ हजार पैकी १ हजार ३४५ हेक्टर पेरणी झाली. यंदाही सोनपेठ वगळता उर्वरित ८ तालुक्यात सरासरीक्षेत्रापेत्रा जास्त क्षेत्रावर पेरणी झाली आहे..अतिवृ्ष्टीमुळे खरिपातील कपाशीचे मोठे नुकसान झाले. त्या जमिनीवर शेतकऱ्यांनी रब्बीची पेरणी केली. यंदाही हरभऱ्याकडे शेतकऱ्यांचा सर्वाधिक कल आहे. सिंचनासाठी मुबलक पाणी असल्यामुळे रब्बीच्या पेरणीत सरासरीहून अधिक वाढ झाली.- दौलत चव्हाण, जिल्हा अधीक्षक कृषी अधिकारी, परभणी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
