Jalgaon News: खानदेशात रब्बी हंगामातील पिकांची पेरणी यंदाही ११० टक्के झाली आहे. काही पिके पक्व होत आहेत. रब्बीसाठी यंदा गिरणासह अन्य सिंचन प्रकल्पांतून सिंचनासाठी पाणी मिळत आहे. रब्बी हंगाम जोमात असून, खरिपातील नुकसानीची भरपाई निघेल, अशी अपेक्षा आहे. .मागील हंगामातही रब्बीचा पेरा ११० टक्के होता. यंदाही चांगल्या पावसाने रब्बी पेरा बऱ्यापैकी आहे. जळगाव जिल्ह्यातील कमाल सिंचन प्रकल्पांतून रब्बीसाठी आवर्तन मिळाले आहे. गिरणा धरण १०० टक्के भरले असून, यामुळे गिरणा पट्ट्यातील २१ हजार हेक्टरला या धरणातून पाणी मिळत आहे. तसेच जळगाव जिल्ह्यात हतनूर, वाघूर, धुळ्यात अनेर, पांझरा या प्रकल्पांतूनही रब्बीस पाणी मिळत आहे. धुळ्यातील अनेर, पांझरा प्रकल्पातूनही रब्बीला पाणी देण्यात आले आहे..Rabi Sowing: नाशिक जिल्ह्यात रब्बीचा सरासरीपेक्षा अधिक पेरा.मका, गहू जोमातकापूस पीक घेऊन त्यात मक्याची लागवड करण्याचे नियोजन शेतकऱ्यांनी केले. पूर्वहंगामी कापूस पिकाखालील क्षेत्र त्यासाठी शेतकरी ऑक्टोबरच्या अखेरीस रिकामे करण्यास सुरवात झाली. त्यात पूर्वमशागत करून मका व अन्य भाजीपाला पिके घेतली आहेत. गहू पेरणीही यंदा जळगाव जिल्ह्यात सिंचन प्रकल्पातून पाणी मिळाल्याने ६० हजार हेक्टरवर झाली आहे. मका लागवड जळगाव जिल्ह्यात एक लाख दोन हजार हेक्टर एवढी आहे..Rabi Wheat Sowing: रब्बीतील पीक पेरणी पूर्ण, गहू क्षेत्रात ६ लाख हेक्टरने वाढ.सर्वच पिके जोमातहरभरा, दादर ज्वारी, मका, भाजीपाला पिके, कांदा, सोयाबीनची पेरणी रब्बी हंगामात सुमारे ११० टक्के झाली आहे. उन्हाळ पिकांचीदेखील पेरणी होत आहे. भुईमूग, सोयाबीन पेरणीचेही नियोजन अनेकांनी केले असून, २००० ते २५०० हेक्टरपर्यंत जळगाव जिल्ह्यात रब्बीतील क्षेत्र पोचेल, असा अंदाज आहे. ही पेरणी सुरू आहे. त्यात भुईमूग, सूर्यफूल पेरणीही होत आहे. भुईमूग पेरा काहीसा वाढणार आहे. .कारण सर्वत्र जलसाठे मुबलक आहेत. मध्यम, हलक्या जमिनीत भुईमूग लागवड होत आहे. गहू अनेक भागात निसवला आहे. कोरडवाहू दादर ज्वारीही निसवली आहे. हरभरा पिकात अनेक भागात घाटे पक्व होत असून, काही भागात पीक फुलोऱ्यावर आहे. काबुली किंवा मॅक्सिको (डॉलर) हरभऱ्यातही घाटे पक्व होत आहेत. पिकांत फवारण्या, खत व्यवस्थापन शेतकऱ्यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
