Ahilyanagar News: अहिल्यानगर जिल्ह्यात यंदा आतापर्यंत रब्बीची ७५ टक्के पेरणी झाली आहे. त्यात गव्हाची १ लाख ८ हजार ०५८ हेक्टरवर, तर हरभऱ्याची ७३ हजार ९०३ हेक्टरवर पेरणी झाली आहे. गव्हाची पेरणी अजूनही सुरू आहे. यंदा दोन्ही पिकांचे क्षेत्र वाढणार असल्याचा अंदाज आहे. ज्वारीच्या पेरणीचा कालावधी संपलेला असल्याने आता ज्वारीचे क्षेत्र वाढण्याची शक्यता नाही. ज्वारीची पेरणी सरासरीच्या ७५.५९ टक्के झाली आहे..अहिल्यानगर जिल्ह्यात रब्बीचे ४ लाख ४९ हजार ६६७ हेक्टर सरासरी क्षेत्र असून यंदा आतापर्यंत ३ लाख ३३ हजार ४९४ हेक्टरवर पेरणी झाली आहे. .यंदा आतापर्यंत ज्वारीची १ लाख १२ हजार २४४ हेक्टर, गव्हाची १ लाख ८हजार ०५८ हेक्टर, मक्याची ३३ हजार ३८८ हेक्टर, हरभऱ्याची ७३ हजार ९०३, करडईची १८ हेक्टर, जवसाची ५ हेक्टर, तिळाची १८ हेक्टर, सूर्यफुलाची १२ हेक्टरवर पेरणी झाली आहे..Rabi Sowing: पुणे विभागात रब्बी हंगामातील पेरणी ७८ टक्क्यांवर पोहोचली.आता ज्वारीच्या पेरणीचा कालावधी संपलेला आहे. त्यामुळे ज्वारीच्या क्षेत्रात फारसी वाढ होणार नाही. गव्हाची व हरभऱ्याची पेरणी अजून साधारण पंधरा दिवस सुरू राहिल. त्यामुळे दोन्ही पिकांसह मकाचे क्षेत्र वाढीचा अंदाज आहे..Rabi Sowing: सांगली जिल्ह्यात रब्बी पेरा पावणेदोन लाख हेक्टरवर .यंदा अधिकच्या पावसामुळे पाण्याची उपलब्धता बऱ्यापैकी आहे. त्यामुळे यंदा रब्बी आणि उन्हाळी कांद्याचे क्षेत्र ही वाढणार असल्याचा अंदाज आहे. .आतापर्यंत नेवासा तालुक्यात सर्वाधिक पेरणी झाली आहे. मात्र अजून अहिल्यानगर जिल्ह्यातील कोणत्याही तालुक्यात सरासरीएवढी पेरणी झाली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
