Jalgaon News: खानदेशात रब्बीसाठी कांदा रोपवाटिका निर्मिती पूर्ण झाली आहे. यंदा लागवड मात्र स्थिर राहील, असा अंदाज आहे. कारण वाढता खर्च व बेभरवशाची बाजारपेठ यामुळे शेतकरी लागवडीसंबंधी उत्सुक नाहीत. .यंदा चांगला पाऊस खानदेशात झालेला आहे. त्यात कांदा रोपवाटिका निर्मितीसाठी कांदा बियाण्याची खरेदी शेतकरी अजूनही काही भागात करीत आहेत. लागवड डिसेंबरच्या मध्यात सुरू होईल, अशी स्थिती आहे. लाल कांद्याची अधिक लागवड होईल. यंदा खानदेशात सुमारे २५ ते २६ हजार हेक्टरवर लागवड अपेक्षित आहे. .Onion Farming: कांदा लागवडीसाठी शेतकऱ्यांची तारेवरची कसरत.कांद्याचे दर कमी आहेत. खरिपातील किंवा नोव्हेंबरमध्ये काढणी झालेल्या कांद्याला प्रति क्विंटल सरासरी १२०० रुपये दर मिळाला होता. तर किमान दर ५०० रुपये प्रतिक्विंटल, असा होता. नंतर एप्रिल, मे व आता जून महिन्यांतही उन्हाळ कांद्याला दर कमीच होता. यंदाही तीच स्थिती आहे. कांद्याचे एकरी १२० क्विंटलवर उत्पादन काही शेतकऱ्यांनी घेतले आहे. रोपवाटिका निर्मिती काही जण व्यावसायिक स्वरूपात करीत आहेत. तर काही शेतकरी बियाणे खरेदी करून आपल्या पुढील लागवडीच्या नियोजनासंबंधी कांदा रोपवाटिका तयार करीत आहेत..Onion Farming: कांदा लागवडीसाठी शेतकऱ्यांची तारेवरची कसरत.रोपवाटिका सर्वत्रव्यावसायिक रोपवाटिका चोपड्यातील अडावद, धानोरा, माचले, लासूर, मराठे आदी गावांसह यावलमधील साकळी, किनगाव, शिरसाड, चुंचाळे, आडगाव, डांभुर्णी, धरणगावमधील पथराड, चोरगाव, भुलपाटे, टहाकळी, दोनगाव, एरंडोलमधील खर्ची, रवंजे, धुळ्यातील साक्री, शिंदखेडा, धुळे आदी भागात केल्या जात आहेत. .सुमारे १५० ते१८० हेक्टरवर या कांदा रोपवाटिका खानदेशात आहेत. अजूनही काही भागात रोपवाटिका तयार केल्या जात आहेत. यंदा रोपवाटिकादेखील वाढलेल्या नसल्याची माहिती आहे. यामुळे लागवड स्थिर राहील, असे संकेत आहेत. धुळ्यातील धुळे, साक्री भागात कांदा पीक अधिक असते. धुळे जिल्ह्याातील लागवड सुमारे १५ ते १८ हजार हेक्टर एवढी राहील. मागील हंगामात खानदेशात सुमारे ३१ हजार हेक्टरवर कांदा पीक होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
