Solapur News: सोलापूर जिल्ह्यातील रब्बी कांदा क्षेत्रात गतवर्षीच्या तुलनेत यंदा १४ हजार हेक्टरची वाढ झाली आहे. गेल्या चार वर्षांतील ही सर्वाधिक वाढ आहे. अतिवृष्टीसह सततच्या पावसामुळे खरिपात झालेले कांद्याचे मोठे नुकसान व भाववाढीच्या अपेक्षेमुळे कांदा लागवड क्षेत्रात वाढ झाली आहे. मात्र, सध्या कांद्याचे भाव पडले आहेत. .जिल्ह्यात रब्बी कांद्याची लागवड प्रामुख्याने ऑक्टोबरच्या अखेरपासून ते डिसेंबरअखेरपर्यंत होते. मुख्यत्वे नोव्हेंबर महिन्यात याची पेरणी अथवा रोपांची लागवड केली जाते. जिल्ह्यात यंदा रब्बी कांद्याची ३४ हजार ४०४ हेक्टरवर लागवड झाली आहे, जी गतवर्षीच्या तुलनेत १४ हजार हेक्टरने अधिक आहे. गेल्या चार वर्षांची आकडेवारी पाहता, यंदा सर्वाधिक क्षेत्रावर कांद्याची लागवड झाली आहे. गतवर्षी रब्बी हंगामात २० हजार २५३ हेक्टरवर कांद्याची लागवड झाली होती. जिल्ह्यातील रब्बी कांद्याचे सरासरी क्षेत्र १७ हजार ४४३ हेक्टर आहे..Rabi Onion Farming : रब्बी कांदा उत्पादन तंत्रज्ञान .पेरणीला विलंब, दरवाढीच्या अपेक्षेने क्षेत्रात वाढयंदा २०२५-२६ च्या खरीप हंगामात जिल्ह्यामध्ये कृषी विभागाच्या आकडेवारीनुसार ४० हजार ४२० हेक्टरवर तर लेट खरिपात २० हजार ४५९ हेक्टरवर कांद्याची लागवड झाली होती. मात्र, ऑगस्ट- सप्टेंबर महिन्यातील अतिवृष्टी व सततचा पाऊस यामुळे ६४ हजार ७१८ हेक्टर क्षेत्रावरील कांदा पिकाचे नुकसान झाल्याचे नंतर झालेल्या सर्वेक्षणातून दिसून आले. चांगल्या पावसामुळे उपलब्ध पाण्याचे स्रोत, खरिपातील पीक वाया गेल्याने व भविष्यात दरवाढीच्या अपेक्षेने शेतकऱ्यांनी कांदा लागवड केली आहे. शिवाय लांबलेल्या पावसाळ्यामुळे पेरणीला विलंब झाल्यानेही शेतकऱ्यांना त्याकडे वळावे लागले..दरात सतत चढ-उतारजिल्ह्यातील रब्बी कांदा क्षेत्रात वाढ झाली असली तरी सोलापूरच्या बाजारात दर पडले आहेत. लाल कांद्याचा दर प्रतिक्विंटल सरासरी ८०० रुपये तर स्थानिक कांद्याचे दर एक हजार ३५० रुपयांवर आहेत. कांद्याच्या दरात सतत चढ-उतार होत आहे..Rabi Onion: रब्बी कांदा लागवडीची तंत्रशुद्ध पद्धत.साडेतीन लाख मे. टन उत्पादन२०२४-२५ मध्ये रब्बी हंगामातील कांद्याची उत्पादकता हेक्टरी १०.८६ मे.टन होती. यंदा पाऊस व अनुकूल हवामानामुळे वाढीची अपेक्षा आहे. गतवर्षीच्या उत्पादकतेनुसार जिल्ह्यात तीन लाख ६९ हजार २४० मेट्रिक टन कांदा उत्पादन अपेक्षित आहे..गेल्या चार वर्षांतील जिल्ह्यातील रब्बी कांदा क्षेत्र (हेक्टरमध्ये)२०२२-२३ १९,९६३२०२३-२४ २०,५२९२०२४-२५ २०,२५३२०२५-२६ ३४,४०४.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
