Agriculture Crop Damage: राज्याच्या अनेक भागात झालेल्या वादळी वाऱ्यासह झालेल्या पूर्वमोसमी पाऊस आणि गारपिटीचा सोमवारी (ता. ३०) रब्बी पिके, फळपिके, भाजीपाला पिकांना मोठा फटका बसला आहे. ऐन हातातोंडाशी आलेला घास हिरावला गेल्याने शेतकरी हवालदिल झाला आहे..यामध्ये प्रामुख्याने नाशिक, अहिल्यानगर, नांदेड, अकोला, बुलडाणा, परभणी, बीड या जिल्ह्यांमध्ये पाऊस, गारपिटीचे नुकसान झाले आहे. मागील दोन दिवसांपासून सुरू असलेल्या पावसामुळे उन्हाळ कांदा, आंबा, चिकू, टरबूज, डाळिंब, द्राक्ष, गहू, मका, बीजोत्पादक कांदा, भाजीपाला, टोमॅटो, हरभरा, हळद, ज्वारी पिकांचे मोठे नुकसान आहे..Unseasonal Rain Damage: नाशिक जिल्ह्यात वादळी वाऱ्यासह गारपीट.नांदेड जिल्ह्यात जोरदार वादळी वाऱ्यामुळे बागांमध्ये फळगळ झाली आहे. जिल्ह्याच्या अनेक भागातील भागातील केळीची पाने फाटली. तर ज्वारीचे पीक आडवे पडले. हळद शिजवणी करणाऱ्या शेतकऱ्यांची धावपळ उडाली. पावसादरम्यान वीज पडल्याने उमरी तालुक्यातील सावरगाव कला येथील हौसाजी बाजीराव जोगदंड यांचा बैल ठार झाला आहे..अहिल्यानगर जिल्ह्यामधील पाथर्डी, अकोले, कोपरगाव, संगमनेर, नेवासा, राहाता, श्रीरामपूर, कोपरगाव तालुक्यांत शेतीपिकांचे पावसामुळे नुकसान झाले आहे. तर काही गावांत गारपीट झाली. गहू काढणीत व्यत्यय आल्यामुळे शेतकरी हवालदिल झाले आहेत..Unseasonal Rain Issue: उजनी पाणलोट क्षेत्राला अवकाळीचा तडाखा.नाशिक जिल्ह्यातील बागलाण, मालेगाव, निफाड, सिन्नर, चांदवड, देवळा आणि येवला या तालुक्यांना पूर्वमोसमी पाऊस आणि जोरदार गारपिटीने अक्षरशः झोडपून काढले आहे. या अस्मानी संकटामुळे रब्बी पिकांची दाणादाण उडाली आहे. जिल्ह्यात १५४ गावांमधील ३० हजार शेतकरी बाधित झाले आहेत. .गारांच्या तडाख्याने डाळिंबाची फळगळ झाली असून बागांचे क्रॉपकव्हर फाटले आहे. काही ठिकाणी गारपिटीमुळे अक्षरशः डाळिंब फुटून नुकसान झाले आहे. अंतापूर व परिसरात वादळामुळे आंब्याच्या कैऱ्या गळून पडल्याने उत्पादनात मोठी घट होणार असल्याचे शेतकऱ्यांनी सांगितले..अकोला जिल्ह्यात मूर्तिजापूर, पातूर, बाळापूर तालुक्यांत पाऊस झाला. वीज पडून चितलवाडी (ता. तेल्हारा) येथील सखाराम सोमा झिटे यांची पाच जनावरे मृत्यूमुखी पडली. शेतीपिकांचे ६५३ हेक्टरवर नुकसान झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
