Nalegaon News: यावर्षी सरासरीपेक्षा जास्त पाऊस झाला असून, मोठ्या प्रमाणात पाणी उपलब्ध असल्याने परिसरातील शेतकऱ्यांनी रब्बी हंगामात हरभरा, गहू, मका, ज्वारी या पिकांचा पेरा केला आहे. यात हरभऱ्याचा पेरा अधिक असून, सध्या थंडी असल्याने पिकांसाठी पोषक वातावरण निर्माण झाले आहे. त्यामुळे रब्बीतील पिके जोमात आहेत. चांगले उत्पादन पदरी पडेल, अशी शेतकऱ्यांना आशा आहे..परिसरातील शेती कोरडवाहू म्हणून ओळखली जाते. जलसिंचनाची पुरेशी सोय नसल्याने बारमाही पिके न घेता कमी पाण्यावर व कमी कालावधीत येणारी पिके शेतकरी घेतात. यावर्षी सुरवातीपासूनच परिसरात पावसाचे प्रमाण जास्त होते..Rabi Season: धाराशिवमध्ये ज्वारीही डोलू लागली, हरभऱ्याने बहरले रान.अतिवृष्टीमुळे सोयाबीन, तूर पिकांचे नुकसान झाले. पाऊस सरासरीपेक्षा जास्त झाल्याने त्याचा लाभ रब्बी हंगामासाठी झाला आहे. शेतकऱ्यांनी हरभरा पिकाला पसंती दर्शविली आहे. हरभऱ्यापाठोपाठ गव्हाचा पेरा झाला असून, गहू, हरभरा ही पिके जोमात आली असताना मागील काही दिवसांत ढगाळ वातावरण निर्माण झाले होते. .Rabi Sowing: चंद्रपुरात रब्बी लागवड क्षेत्र पोहोचले ५३ हजार हेक्टरवर.तसेच काही ठिकाणी तुरळक पाऊस झाला होता. त्यामुळे पिकांवर अळीचा प्रादुर्भाव झाल्याने शेतकरी चिंताग्रस्त होते. दरम्यान, शेतकऱ्यांनी महागड्या औषधांची फवारणी केली. आता थंडीचा जोर वाढल्यामुळे रब्बी हंगामातील पिकांची वाढ जोमाने होत आहे. थंडीचे वातावरण रब्बी पिकांसाठी पोषक आहे. सध्या हरभरा फुलात आहे..परंतु, धुक्यामुळे हरभऱ्याच्या उत्पादनात घट होण्याची भीती नाकारता येत नाही.सोयाबीन म्हणजे जिल्ह्याच्या दृष्टीने महत्त्वाचे पीक. याच पिकाभोवती प्रामुख्याने शेतकऱ्यांसह जिल्ह्याचे अर्थकारण फिरते. सरकारने सोयाबीनचा हमीभाव पाच हजार ३२८ रुपये ठरविला आहे. मात्र, बाजारात सोयाबीनला चार हजार २०० ते चार हजार ५०० भाव मिळत आहे..कमी पाण्यात व कमी कालावधीत येणारे हरभऱ्याचे पीक फुले, घाटे या स्थितीत आहे. थंडीमुळे पिके जोमात दिसत आहेत. उत्पन्न चांगले मिळण्यासाठी शेतकऱ्यांना मार्गदर्शनाची गरज आहे.- बालाजी देवशटवार, शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
