Climate Risks to Rabi Crop Production: धरणांतील कमी पाणीसाठा आणि ‘एल निनो’मुळे सरासरीपेक्षा अधिक राहणाऱ्या तापमानाचा रब्बी पिकांच्या उत्पादनाला फटका बसण्याची शक्यता आहे. भारतीय रिझर्व्ह बँकेने (आरबीआय) बुधवारी (ता. ७) प्रसिद्ध केलेल्या ऑक्टोबरच्या पतधोरण अहवालातून हा इशारा दिला आहे..यंदा मॉन्सून सरासरीपेक्षा कमी राहिल्याने धरणांतील पाणीसाठ्यात घट झाली आहे, असे अहवालात म्हटले आहे. ३० सप्टेंबरपर्यंत देशातील एकूण पाऊस दीर्घकालीन सरासरीपेक्षा १२.६ टक्के कमी राहिला. जूनमध्ये मॉन्सूनची सुरुवात कमकुवत झाली. त्यानंतर जुलैमध्ये सरासरीपेक्षा एक टक्का अधिक पाऊस झाल्याने खरीप पेरणीला काहीसा आधार मिळाला. मात्र देशातील सर्वच विभागांत पाऊस सरासरीपेक्षा कमी राहिला. प्रमुख पीक उत्पादक राज्यांमध्ये पावसाचे वितरणही असमान राहिले, असे ‘आरबीआय’ने नमूद केले आहे..Climate Change Crisis: हवामान संकट अन् कृषी-अर्थव्यवस्था.एक ऑक्टोबरला धरणांमध्ये ७१.८ टक्के पाणीसाठा होता. गेल्या दहा वर्षांची सरासरी ८१.८ टक्के आहे, तर गेल्या वर्षी याच दिवशी साठा ९०.३ टक्के होता. दोन ऑक्टोबरपर्यंत खरीप पेरणी गेल्या वर्षीपेक्षा एक टक्का कमी झाली, पण सामान्य क्षेत्रापेक्षा एक टक्का जास्त राहिली. भात, ऊस आणि कापसाची पेरणी घटली. कडधान्ये, भरडधान्ये आणि तेलबियांची पेरणी वाढली. पावसाची तूट आणि असमान वितरण यामुळे खरीप आणि रब्बी दोन्ही हंगामांच्या उत्पादनाला धोका आहे, असे अहवालात म्हटले आहे..El Nino Impact: ‘एल निनो’मुळे राज्याच्या पावसात १९ टक्क्यांची तूट.चालू आर्थिक वर्षाच्या पहिल्या तिमाहीत (एप्रिल ते जून) कृषी व संलग्न क्षेत्राची वाढ ३.६ टक्के झाली. ती गेल्या वर्षीच्या याच काळापेक्षा कमी आहे. कृषी मंत्रालयाच्या तिसऱ्या अग्रिम अंदाजानुसार २०२५-२६ मध्ये अन्नधान्य उत्पादन ५.३ टक्क्यांनी वाढून विक्रमी ३,७६६ लाख टनांवर पोहोचले होते, असेही आरबीआयने नमूद केले आहे..रेपो दरामध्ये वाढएल निनो आणि कमी मॉन्सूनमुळे रब्बी पिकांच्या उत्पादनावर परिणाम झाल्यास अन्नधान्याच्या किमतीवर दबाव येऊन अन्नमहागाई वाढण्याची शक्यता आहे. महागाईचा वाढता दबाव लक्षात घेऊन भारतीय रिझर्व्ह बँकेने (आरबीआय) रेपो दरामध्ये २५ बेसिस पॉइंटची वाढ करून तो ५.५० टक्क्यांवर नेला आहे. रेपो दर वाढल्याने बँकांच्या कर्जदरावर परिणाम होऊ शकतो. यामुळे गृहकर्ज आणि वाहनकर्ज महागण्याचीही शक्यता आहे. तसेच, रब्बी हंगामासाठी पीककर्ज, सिंचन, बियाणे, खते आणि इतर निविष्ठांसाठी कर्ज घेणाऱ्या शेतकऱ्यांच्या कर्जखर्चावरही परिणाम होण्याची शक्यता आहे. मात्र, रेपो दरवाढीचा थेट परिणाम प्रत्येक शेतकऱ्याच्या पीककर्जाच्या व्याजदरावर होईलच असे नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
