Washim News: शेतकऱ्यांना नवनवीन तंत्रज्ञानाच्या वापरासाठी प्रोत्साहन मिळावे आणि पिकांची उत्पादकता वाढावी, यासाठी राबविण्यात येणाऱ्या पीकस्पर्धा योजनेअंतर्गत रब्बी हंगाम २०२५ मधील स्पर्धा जाहीर करण्यात आली आहे. शेतकऱ्यांच्या प्रयोगशील वृत्तीला चालना देऊन त्यांना सन्मानित करण्याच्या उद्देशाने ही स्पर्धा तालुका, जिल्हा व राज्य पातळीवर होणार आहे..शासन निर्णयानुसार, यावर्षी सर्वसाधारण व आदिवासी गटासाठी ज्वारी, गहू, हरभरा, करडई व जवस या पाच पिकांच्या स्पर्धा आयोजित करण्यात आल्या आहेत. स्पर्धेत भाग घेण्यासाठी शेतकऱ्याकडे स्वतःच्या नावे जमीन असणे आवश्यक असून संबंधित पिकाची किमान ४० आर क्षेत्रावर सलग लागवड असावी. एका शेतकऱ्याला एकापेक्षा अधिक पिकांसाठीही अर्ज करता येणार आहे..Crop Competition : तृणधान्ये, कडधान्ये, गळीतधान्ये पीक स्पर्धेत सहभागी व्हावे ः चव्हाण.पीकनिहाय प्रवेश शुल्क सर्वसाधारण गटासाठी ३०० रुपये, तर आदिवासी गटासाठी १५० रुपये आहे. सर्वसाधारण व आदिवासी गटासाठी तालुका पातळी पहिले ५ हजार, दुसरे ३ हजार, तिसरे २ हजार, जिल्हा पातळी पहिले १० हजार, दुसरे ७ हजार, तिसरे ५ हजार, राज्य पातळी पहिले ५० दुसरे ४० हजार आणि तिसरे ३० हजार बक्षीस म्हणून देण्यात येणार आहे..Crop Competition : खरीप पीक स्पर्धेत सहभागी व्हा; कृषी विभागाचे आवाहन.शेतकऱ्यांनी अधिकाधिक संख्येने या स्पर्धेत सहभागी व्हावे, असे आवाहन जिल्हा अधीक्षक कृषी अधिकारी आरिफ शाह यांनी केले आहे. अधिक माहितीसाठी तालुका कृषी कार्यालयात संपर्क साधावा किंवा महाराष्ट्र शासनाच्या कृषी विभागाच्या संकेतस्थळाला भेट द्यावी, असेही त्यांनी सांगितले..अर्जाबरोबर काय जोडावे?अर्जासोबत निर्धारित नमुन्यातील प्रपत्र-अ, प्रवेश शुल्काची पावती, ७/१२ व ८-अ उतारे, जातप्रमाणपत्र (आदिवासी गटासाठी), नकाशा तसेच बँक खात्याची प्रत जोडणे बंधनकारक आहे. अर्ज दाखल करण्याची अंतिम तारीख ३१ डिसेंबर निश्चित करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
