Chhatrapati Sambhajinagar News: मराठवाड्यातील छत्रपती संभाजीनगर, जालना आणि बीड या तीन जिल्ह्यांत यंदा सर्वसाधारण क्षेत्राच्या तुलनेत सुमारे ३ लाख ४७ हजार हेक्टरने रब्बी पिकांचे क्षेत्र वाढले आहे. तीनही जिल्ह्यांत सर्वसाधारण ७ लाख २७ हजार ५७४ हेक्टर क्षेत्राच्या तुलनेत प्रत्यक्षात १० लाख ७५ हजार ७० हेक्टरवर रब्बीची पेरणी झाली आहे..खरिप हंगामातील पिकांचे मोठे नुकसान झाल्याने शेतकऱ्यांचे सर्व लक्ष्य रब्बी हंगामावर केंद्रित झाले आहे. त्यामुळे यंदा रब्बी क्षेत्रात वाढ होणे अपेक्षित होते. यंदाच्या रब्बी हंगामासाठी छत्रपती संभाजीनगर, जालना व बीड या तीन जिल्ह्यांत सर्वसाधारण क्षेत्र ७ लाख २७ हजार ५७४.८२ हेक्टर होते. पावसाळ्याच्या शेवटपर्यंत समाधानकारक पाऊस झाल्याने रब्बीची पेरणी टप्प्याटप्प्याने झाली..Rabi Sowing: अहिल्यानगर जिल्ह्यात रब्बी पेरणी ९६ टक्के.जानेवारी अखेरपर्यंतच्या कृषी विभागाच्या अहवालानुसार तीनही जिल्ह्यांत १० लाख ७५ हजार हेक्टरवर रब्बी पेरणी झाली असून, हे प्रमाण सर्वसाधारण क्षेत्राच्या तुलनेत १४७.७५ टक्के आहे. तृणधान्य व कडधान्य पिकांच्या क्षेत्रात लक्षणीय वाढ झाली असून, गळीतधान्याची पेरणी जवळपास सर्वसाधारण क्षेत्राइतकी आहे..Rabi Sowing: नाशिक जिल्ह्यात रब्बी पेरा ११४ टक्के .हरभऱ्याची साडेतीन लाख हेक्टरवर पेरणीतीनही जिल्ह्यांत हरभऱ्याचे सर्वसाधारण क्षेत्र २ लाख ३३ हजार ५९६ हेक्टर असताना प्रत्यक्षात ३ लाख ६५ हजार ५४० हेक्टरवर पेरणी झाली आहे. हे प्रमाण सर्वसाधारण क्षेत्राच्या तुलनेत १५६.४८ टक्के आहे. यामध्ये छत्रपती संभाजीनगरमधील ७३,४०० हेक्टर, जालन्यातील १,१७,७६१ हेक्टर आणि बीडमधील १,७४,३७९ हेक्टर क्षेत्राचा समावेश आहे..ज्वारी पेरणी कमीचतीनही जिल्ह्यांत ज्वारीचे सर्वसाधारण क्षेत्र २ लाख ७४ हजार ४६५ हेक्टर असताना प्रत्यक्षात २ लाख ६९ हजार ३९२ हेक्टरवर रब्बी ज्वारीची पेरणी झाली आहे. हे प्रमाण सर्वसाधारण क्षेत्राच्या तुलनेत ९८ टक्के आहे. यामध्ये छत्रपती संभाजीनगरमधील २६,८५६ हेक्टर, जालन्यातील ६८,३८० हेक्टर आणि बीडमधील १,७४,४५६ हेक्टर क्षेत्राचा समावेश आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
