Jalgaon News: खानदेशात केळी बागांची लागवड फारशी सुरू नाही. यात केळी कंद मुबलक आहेत. लागवड कमी असल्याने केळी रोपांची मागणी घटली आहे. .अनेक संस्था, पुरवठादारांकडून विविध वाणांच्या उतिसंवर्धित केळी रोपांचा पुरवठा केला जातो. पाच ते सहा वर्षांत उतिसंवर्धित केळी रोपांची लागवड वाढत आहे. अनेकांनी कंद लागवड बंद करून दर्जेदार, निर्यातक्षम केळी उत्पादनावर भर दिला. यात दर चांगले मिळतात तसेच नफाही अधिकचा राहतो. उतिसंवर्धित केळी रोपांची लागवड, पुढे खते, फ्रूट केअर व्यवस्थापन यासंबंधी खर्च लागतो. यामुळे अनेकांनी केळी लागवड कमी केली. .Banana Plant Shortage : खानदेशात दर्जेदार केळी रोपांची टंचाई.लागवड कमी करू, पण उतिसंवर्धित केळी रोपांना प्राधान्य देऊ, असा विचार शेतकऱ्यांत होता. पण यंदा साडेचार महिने केळी बाजार दबावात होता. रोपांची लागवड केलेल्या शेतकऱ्यांची खर्चही निघाला नाही. कारण एक रोप २० ते २१ रुपयांना मिळते. यामुळे आता शेतकरी केळी कंद लागवड करू लागले असून, यातून दर्जेदार उत्पादन साध्य करण्याचा प्रयत्न केला जात आहे. दुसरीकडे केळी लागवड सध्या कमी असल्याने केळी कंदही मुबलक आहेत..Onion Planting: रब्बी कांदा लागवड स्थिर राहणार.कांदेबाग व मृग बहर हे केळीचे मुख्य दोन हंगाम आहेत. तसेच काही शेतकरी आगाप व उशिराचे कांदेबाग, उशिराचे मृग बाग असेही व्यवस्थापन करतात. कांदेबाग केळीची लागवड सप्टेंबर ते नोव्हेंबर या काळात केली जाते. यात अनेक जण डिसेंबर व जानेवारीतही उशिराच्या बागांची लागवड करतात. पण यंदा डिसेंबर व जानेवारीतील लागवड अत्यल्प आहे..कारण या महिन्यांतील केळीला दर कमी मिळतो. थंडी अधिक असते, यामुळे पिकात चिलिंगची समस्या असते. केळी घड पक्व होण्यापूर्वीच पिकतात. बाजार अस्थिर असतो. अजूनही केळी बाजार अस्थिर असल्याने शेतकरी केळी पिकातील खर्च कमी करण्यावर भर देत आहेत..कंद लागवडीवडे शेतकऱ्यांचा कल सतत वाढला आहे. जळगावसह नाशिक, पुणे, छत्रपती संभाजीनगर, मध्य प्रदेश, गुजरातमधील कंपन्या रोपे पुरवठा करतात. उतंसवर्धित केळी रोपांचा पुरवठा करणाऱ्या कंपन्याही सध्या रोपांची मागणी कमी असल्याने अडचणीत आहेत.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
