Yavatmal News : विना परवाना कीटकनाशकाची विक्री करण्याबरोबरच कीटकनाशकाच्या बाटलीवरील क्युआर कोडशी छेडछाड करण्याचा प्रकार दिग्रस येथील साई कृषी सेवा केंद्रात घडला होता. दिग्रस येथील गुणनियंत्रण निरीक्षकांच्या तपासणीतही ही बाब स्पष्ट झाली. त्यानुसार कारवाईचा प्रस्ताव वरिष्ठांना पाठविण्यात आला मात्र महिनाभरानंतरही संबंधित कृषी केंद्रावर कारवाई होत नसल्याने अनेकांच्या भुवया उंचावल्या आहेत. .दिग्रस तालुक्यातील रामगाव डोरली येथील शेतकरी मंगल दुधराम राठोड यांनी कीटकनाशकाची खरेदी केली होती. दिग्रस येथीलच साई कृषी सेवा केंद्रातून खरेदी केलेल्या या बाटलीची पाहणी केली असता त्यावरील क्यु-आर कोडवर खाडाखोड करण्यात आल्याचा गंभीर प्रकार समोर आला. .Illegal Pesticide Sale : विनापरवाना कीटकनाशके, जैवउत्तेजके विक्रीप्रकरणी तिघांवर गुन्हा दाखल.कीटकनाशक कायद्यातील तरतुदीनुसार ही बाब गंभीर ठरते याची जाणीव असलेल्या शेतकरी मंगल राठोड यांनी तत्काळ याबाबत कृषी विभागाकडे तक्रार केली. त्याआधारे तालुका कृषी अधिकाऱ्यांसह पथकाने साई कृषी सेवा केंद्रात जात दुकानाची तपासणी केली. या तपासणीत अनेक आक्षेपार्ह बाबी आढळून आल्या. .विशेष म्हणजे शेतकऱ्याने खरेदी केलेल्या संबंधित कीटकनाशकाच्या दुकानातील इतर बाटल्यांची पडताळणी केली असता त्यावरील क्युआर कोडशीदेखील छेडछाड केली असल्याचाही खुलासा झाला. .Illegal Pesticide : कीटकनाशकांचा अडीच लाखांचा साठा जप्त .साठा रजिस्टर, बिलावर बॅच नंबरचा अभाव यासह इतरही अनेक गैरप्रकार दिसून आले. ही सर्व अनागोंदी लक्षात घेता कीटकनाशक अधिनियम १९७१ च्या तरतुदीनुसार दुकानातील १५ बाटल्यांच्या साठ्याला विक्रीबंदचे आदेश देण्यात आले..त्यानंतर कारणे दाखवा नोटीस बजावण्यात आली. यावर दुकानदाराने केलेला खुलासा समाधानकारक नसल्याने तो अमान्य करून पुढील कारवाईकरिता प्रस्ताव जिल्हा अधीक्षक कृषी अधिकारी कार्यालयाकडे पाठविण्यात आला. मात्र महिनाभरापासून या प्रस्तावावर कोणतीच कार्यवाही झाली नाही. त्यामुळे हे प्रकरण दडपण्यात आल्याची चर्चा रंगली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
