Farmer Protest: शेतकरी हिताचे रक्षण करण्यासाठी स्थापन झालेल्या पुसद कृषी उत्पन्न बाजार समितीतच शेतकऱ्यांच्या लुटीचा धक्कादायक प्रकार उघडकीस आला आहे. बाजार समितीच्या वजन काट्यावर गव्हाचे वजन तब्बल दहा क्विंटलने कमी भरल्याचे समोर आल्यानंतर संतप्त शेतकऱ्यांनी रास्ता रोको आंदोलन करत तीव्र निषेध नोंदविला. या घटनेनंतर प्रशासनाने संबंधित वजन काटा सील केला असून चौकशीचे आदेश देण्यात आले आहेत..पुसद तालुक्यातील आमटी येथील शेतकरी देवराव आप्पाराव वलगीर हे गहू विक्रीसाठी पुसद बाजार समितीत आले होते. वरुड उपबाजार परिसरात बाजार समितीच्या काट्यावर त्यांच्या वाहनाचे वजन करण्यात आले. पहिल्या वजनात गव्हाचे वजन ४२ क्विंटल ३५ किलो भरले. मात्र वाहनाचे रिकामे वजनच सुमारे २० क्विंटल असल्याने इतका कमी गहू कसा भरला, याबाबत शेतकऱ्यांना संशय आला..Pusad APMC: उपोषणामुळे पुसद बाजार समितीतील व्यवहार ठप्प .त्यानंतर काही वेळाने त्याच वाहनाचे पुन्हा वजन करण्यात आले असता गव्हाचे वजन तब्बल ५२ क्विंटल १० किलो भरले. अवघ्या काही वेळाच्या अंतरात झालेल्या दोन वजनांमध्ये तब्बल दहा क्विंटलची तफावत आढळल्याने बाजार समिती परिसरात एकच खळबळ उडाली. ही माहिती वाऱ्यासारखी पसरताच शेतकरी मोठ्या संख्येने एकत्र आले आणि संबंधित वजन काट्याबाबत आक्षेप नोंदविला..Pre Monsoon Preparation: शेतकऱ्यांनी पर्यायी पिकांचे आतापासूनच नियोजन करा: जिल्हाधिकारी कीर्ती किरण पुजार.यानंतर स्वाभिमानी शेतकरी संघटनेचे प्रदेश प्रवक्ता मनीष जाधव यांच्या नेतृत्वात नागपूर-पुसद महामार्गावर रास्ता रोको आंदोलन करण्यात आले. बाजार समिती प्रशासन केवळ अडते आणि व्यापाऱ्यांचे हित जपत असल्याचा आरोप आंदोलनकर्त्यांनी केला. कर्मचाऱ्यांचे पगार करण्यात असमर्थ ठरलेल्या बाजार समितीत आता शेतकरी हितही दुर्लक्षित होत असल्याचा आरोपही जाधव यांनी केला. .शेतकऱ्यांचे आराध्य दैवत वसंतराव नाईक यांच्या विचारांचा वारसा सांगणाऱ्या राज्यमंत्री इंद्रनील नाईक यांच्या संचालक मंडळाच्या बाजार समितीत असा प्रकार घडत असल्याबद्दलही आंदोलनकर्त्यांनी तीव्र नाराजी व्यक्त केली. परिस्थिती तणावपूर्ण बनताच पुसदचे ठाणेदार सदानंद वानखेडे यांनी बंदोबस्त ठेवत परिस्थिती नियंत्रणात आणली. यानंतर संबंधित शेतकऱ्याला तक्रारीसाठी पोलिसांकडे पाठविण्यात आले. दरम्यान प्रशासनाने संबंधित वजन काटा सील केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
