Inflation Impact on Fig Farmers: पुरंदर तालुका राज्यभर अंजीर उत्पादनासाठी ओळखला जातो. तालुक्यात सुमारे साडेचारशे हेक्टरहून अधिक क्षेत्रावर अंजिराची लागवड करण्यात आली असून येथील लाल, आकर्षक आणि चवदार अंजिराला बाजारपेठेत मोठी मागणी असते. सध्या अंजिराच्या ‘खट्टा’ हंगामाच्या तयारीला वेग आला असून बागांमध्ये मशागतीची कामे सुरू झाली आहेत. मात्र मजुरांची टंचाई, वाढती महागाई आणि उत्पादन खर्चातील वाढ यामुळे शेतकरी आर्थिक अडचणीत सापडले आहेत..अंजिराचा बहर प्रामुख्याने दोन टप्प्यांत घेतला जातो. पावसाळी बहराला ‘खट्टा’ तर उन्हाळी बहराला ‘मिठ्ठा’ हंगाम म्हणून ओळखला जातो. नुकताच मिठ्ठा हंगाम संपला असून आता शेतकरी खट्टा हंगामासाठी बागांची चाळणी, वाफे तयार करणे, आंतरमशागत आणि खत व्यवस्थापनाच्या कामात व्यग्र झाले आहेत. दिवे परिसरातील अंजीर बागांमध्ये सध्या मशागतीची मोठी लगबग सुरू आहे..Fig Farming: कष्टांना त्यांच्या सीमा नाहीत .एका वाफ्यासाठी सुमारे शंभर रुपये मजुरी द्यावी लागत असल्याचे अंजीर उत्पादक शेतकरी पोपट झेंडे यांनी सांगितले. त्यामुळे उत्पादन खर्चात मोठी वाढ झाली आहे. रासायनिक खतांच्या वाढत्या किमतींमुळे अंजीर बाग व्यवस्थापनासाठी मोठा खर्च करावा लागत आहे.त्यातच खाद्यतेल, गॅस तसेच दैनंदिन वापराच्या वस्तूंच्या दरवाढीमुळे घरखर्च सांभाळताना मोठी कसरत करावी लागत असल्याची भावना मजूर विलास जाधव आणि तुषार आढे यांनी व्यक्त केली. हे दोघे पुसद येथून दिवे परिसरात कामासाठी आले आहेत..Fig Farming : नियोजनबद्ध व्यवस्थापनातून दर्जेदार अंजीर उत्पादनासाठी प्रयत्न.महागाई, मजुरांची टंचाई आणि वाढते उत्पादन खर्च या तिहेरी संकटांचा परिणाम अंजीर शेतीच्या व्यवस्थापनावर होत असला तरी दर्जेदार उत्पादन टिकवून ठेवण्यासाठी आणि बाजारपेठेतील मागणी पूर्ण करण्यासाठी शेतकरी प्रयत्नशील असल्याचे चित्र पुरंदर तालुक्यात पाहायला मिळत आहे..अंजीर बागांची योग्य छाटणी गरजेचीअंजीर फळबागांची नियमित छाटणी करणे आवश्यक आहे. छाटणीमुळे झाडाच्या सर्व भागांना सूर्यप्रकाश मिळतो. त्यामुळे तांबेरासारख्या रोगांचा प्रादुर्भाव कमी होऊन चांगल्या प्रतीची फळे मिळतात. उत्पादनात वाढ होते, अशी माहिती उपकृषी अधिकारी गणेश जगताप यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
