Punjab Sugarcane Subsidy: पंजाब सरकारने ऊस उत्पादक शेतकऱ्यांना मोठा दिलासा देणारा निर्णय घेतला आहे. राज्य मंत्रिमंडळाने ऊस उत्पादकांना निश्चित राज्य निर्धारित मूल्य (SAP) मधून प्रतिटन ६८५ रुपये थेट अनुदान देण्यास नुकतीच मंजुरी दिली. पंजाब हे देशातील सर्वाधिक ऊस दर देणारे राज्य असल्याचा दावा सरकारकडून करण्यात आला आहे..राज्य मंत्रिमंडळाच्या निर्णयाची माहिती देताना मुख्यमंत्री भगवंत मान यांनी सांगितले की, २०२५-२६ च्या गाळप हंगामादरम्यान ही रक्कम थेट ऊस उत्पादक शेतकऱ्यांच्या खात्यात जमा केली जाईल. विशेष म्हणजे, राज्य सरकारकडून खासगी साखर कारखान्यांच्या वतीने शेतकऱ्यांना ही रक्कम वितरित केली जाईल. यामुळे शेतकऱ्यांना आता ऊस बिलासाठी कारखान्यांवर अवलंबून राहावे लागणार नाही..Sugarcane Fertilizer Dose: सुरु उसाच्या भरघोस उत्पादनासाठी खत व्यवस्थापन कसे करावे?.राज्य सरकारच्या माहितीनुसार, चालू २०२५-२६ च्या गाळप हंगामासाठी खासगी साखर कारखान्यांच्या वतीने प्रतिटन ६८५ रुपये अनुदान थेट ऊस उत्पादक शेतकऱ्यांना देण्यात येईल. त्यासाठी ३२१.९५ कोटी रुपयांच्या अर्थसंकल्पीय तरतूद करावी लागेल. पंजाबमध्ये राज्य निर्धारित मूल्य म्हणून उसाला प्रतिटन ४,१६० रुपये दर दिला जात आहे. हा उसाला दिला जाणारा देशातील सर्वाधिक दर आहे. हा दर गेल्या वर्षाच्या तुलनेत १५० रुपयांनी अधिक आहे. यावरून पंजाबमध्ये ऊस उत्पादकांना देशातील सर्वाधिक दर दिला जात असल्याची खात्री होते..Sugarcane Farming: सुरु उसासाठी खत नियोजन: जास्त फुटवे, जास्त वजन, जास्त नफा .पंजाबमध्ये सहकारी साखर कारखान्यांच्या वतीने राज्य सरकारकडून संपूर्ण राज्य निर्धारित मूल्य दिले जाते. पण खासगी साखर कारखान्यांकडून शेतकऱ्यांना तत्काळ पैसे मिळत नसल्यामुळे ही तूट भरून काढण्यासाठी राज्य सरकार ठरावीक अनुदान देते. ही रक्कम खासगी साखर कारखान्यांच्या वतीने थेट लाभ हस्तांतरण (DBT) च्या माध्यमातून शेतकऱ्यांच्या बँक खात्यात जमा केली जाणार असल्याचे सांगण्यात आले आहे. .शेतकऱ्यांना ऊस बिलाची थकित रक्कम त्वरित मिळावी आणि खासगी साखर कारखान्यांवरील आर्थिक भार कमी व्हावा आणि उत्पादक शेतकऱ्यांना योग्य दर मिळावा, यासाठी हा निर्णय घेण्यात आला असल्याचे राज्य सरकारकडून सांगण्यात आले आहे. .पंजाबचे मुख्यमंत्री भगवंत मान यांच्या अध्यक्षतेखाली राज्य मंत्रिमंडळाच्या बैठकीत 'सीएम दी योगशाळा' (CM Di Yogshala) साठी १ हजार योग प्रशिक्षकांची भरती करण्यास आणि 'हमारे राम' या नाटकाच्या प्रयोगांचे आयोजन करण्यासही मंजुरी देण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
