Rice Crop Farming: पुणे जिल्ह्यात यंदा भात लागवडीसाठी नियोजित ६१ हजार १०१ हेक्टरपैकी ५८ हजार ६५९ हेक्टरवर म्हणजेच ९६ टक्के क्षेत्रावर लागवड पूर्ण झाली आहे. लागवडीनंतर पावसाने काहीशी उघडीप दिल्याने भात पिकांना पावसाची प्रतीक्षा आहे. ऑगस्टमध्ये झालेल्या तुरळक पावसामुळे पिकांना आधार मिळाला असून, सध्या पावसाची उघडीप आहे. तुरळक ठिकाणी पावसाचा शिडकावा होत असल्याने वाढीच्या अवस्थेतील भात पिकांना काहीसा दिलासा मिळत आहे..पुणे जिल्ह्यात मावळ, मुळशी, भोर, वेल्हा, खेड, जुन्नर आणि आंबेगाव या तालुक्यांत प्रामुख्याने भात लागवड केली जाते. यंदा जुलै महिन्यापासून पश्चिम पट्ट्यात पावसाचे प्रमाण चांगले राहिले. सुरुवातीच्या काळात सततच्या पावसामुळे भाताच्या रोपवाटिका टाकण्यास अडचणी निर्माण झाल्या. जूनमध्ये उपलब्ध असलेल्या पाण्यावर रोपवाटिका टाकण्यात आल्या. त्यानंतर जुलैच्या दुसऱ्या पंधरवड्यात झालेल्या पावसामुळे भात लागवडीला वेग आला आणि बहुतांश क्षेत्रावरील लागवड वेळेत पूर्ण झाली..Rain Deficit: पश्चिम विदर्भात महिनाभरापासून पाऊस गायब.ऑगस्ट महिन्यात झालेल्या पावसामुळे भात पिकांना चांगली संजीवनी मिळाली. मात्र, त्यानंतर पावसाने काहीशी विश्रांती घेतल्याने काही भागांत पिकांना पुन्हा पावसाची गरज निर्माण झाली होती. गेल्या काही दिवसांत पश्चिम भागात पावसास पोषक वातावरण तयार झाले असले, तरी सध्या बहुतांश भागात पावसाची उघडीप आहे. पश्चिम पट्ट्यात तुरळक ठिकाणी पावसाच्या सरी किंवा शिडकावा होत आहे. घाटमाथ्यावर यापूर्वी झालेल्या पावसामुळे काही ठिकाणी भातखाचरे पाण्याने भरलेली आहेत..Rainfall Deficit: पावसाअभावी खरीप संकटात.सध्या भात पीक वाढीच्या अवस्थेत असून, पिकांची वाढ समाधानकारक आहे. पुढील काळात पावसाचे प्रमाण आणि सातत्य भात पिकांसाठी महत्त्वाचे ठरणार आहे. विशेषतः पीक वाढीच्या अवस्थेत असल्याने आवश्यकतेनुसार पाऊस झाल्यास उत्पादनाला चांगला फायदा होण्याची शक्यता आहे..विविध वाणांची लागवडजिल्ह्यात आंबेमोहोर, साळ, दोडकी, कोलम आणि इंद्रायणी या पारंपरिक वाणांची मोठ्या प्रमाणावर लागवड केली जाते. त्याचबरोबर कोकणी, पार्वती, फुले समृद्धी, बासमती, रूपाली, रत्ना, साईराम, सोनम, सुरूची, वैष्णवी आणि तृप्ती या वाणांनाही शेतकऱ्यांचा प्रतिसाद आहे..पावसामुळे वाढीच्या अवस्थेतील भात पिकांना चांगला आधार मिळाला आहे. सध्या पावसाची उघडीप असली, तरी तुरळक ठिकाणी पावसाचा शिडकावा होत आहे. येत्या काळात काही प्रमाणात चांगला पाऊस झाल्यास शेतकऱ्यांना फायदा होईल.- संजय काचोळे, जिल्हा अधीक्षक कृषी अधिकारी, पुणे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
