Pune Ghat region Weather Update: पुणे जिल्ह्यात पावसाचा जोर कमी-अधिक होत असून, घाटमाथ्यावर सध्या तुरळक सरी पडत आहेत. मंगळवार (ता. २५) सकाळी आठ वाजेपर्यंत मुळशी धरणक्षेत्रात ३५ मिलिमीटर पावसाची नोंद झाली. पावसाचा जोर कमी झाल्याने धरणांमध्ये होणारी आवकही घटली असून, मागील चोवीस तासांत २.५१ टीएमसी पाण्याची नव्याने आवक झाली..पावसाचा जोर कमी झाल्याने धरणांच्या पाणलोट क्षेत्रातून होणारी आवक घटली आहे. त्यामुळे अनेक धरणांमधून सुरू असलेल्या विसर्गातही घट करण्यात आली असून, कमी क्षमतेने पाणी सोडण्यात येत आहे. अनेक नद्या प्रवाही असल्या तरी सध्या त्यांचा प्रवाह कमी आहे. मागील काही दवसांतील पावसामुळे पश्चिम भागातील शेतकऱ्यांना दिलासा मिळाला असला, तरी पूर्व भागातील शेतकऱ्यांचे लक्ष पावसाकडे लागले आहे..घाटमाथ्यावर लोणावळा येथे १५ मिलिमीटर, वळवण १३, शिरोटा व कुंडली प्रत्येकी १०, तर ठोकरवाडी येथे ५ मिलिमीटर पाऊस झाला. मुठा खोऱ्यातील टेमघर धरणक्षेत्रात १५ मिलिमीटर पाऊस झाला. वरसगाव, पानशेत आणि खडकवासला धरणक्षेत्रात हलक्या सरी पडल्या. त्यामुळे या भागातील पाणलोट क्षेत्रात अधूनमधून पाऊस सुरू असला, तरी त्याचा जोर कमी आहे..Maharashtra Rain Alert: राज्यात १० जिल्ह्यांना पावसाचा येलो अलर्ट; दोन दिवस पावसाचा अंदाज.नीरा खोऱ्यातील पवना धरणक्षेत्रात १४ मिलिमीटर, कळमोडी १२, नीरा देवघर ११, तर भाटघर धरणक्षेत्रात १० मिलिमीटर पाऊस झाला. गुंजवणी, कासारसाई, आंध्रा आणि वडिवळे धरणक्षेत्रात तुरळक सरी पडल्या. चासकमान, भामा आसखेड, शेटफळ, नाझरे आणि वीर धरणक्षेत्रात ढगाळ वातावरण होते. कुकडी खोऱ्यातील माणिकडोह धरणक्षेत्रात ११ मिलिमीटर पाऊस झाला..Maharashtra Monsoon Prediction: मध्य महाराष्ट्र, मराठवाडा विदर्भात पावसाची शक्यता.पिंपळगाव जोगे, येडगाव आणि डिंभे धरणक्षेत्रात तुरळक सरी पडल्या. वडज, चिल्हेवाडी, घोड, विसापूर आणि उजनी धरणक्षेत्रात ढगाळ वातावरण राहिले. जिल्ह्याच्या पूर्व भागात पश्चिम पट्ट्याच्या तुलनेत पावसाचे प्रमाण कमी आहे. मागील काही दिवसांत झालेल्या पावसामुळे काही भागात जमिनीतील ओलावा सुधारला असला तरी खरीप पिकांच्या गरजेनुसार समाधानकारक पावसाची प्रतीक्षा कायम आहे. सोयाबीन, बाजरी, तूर आणि इतर पिकांसाठी पुढील पावसाची स्थिती महत्त्वाची ठरणार आहे. .धरण क्षेत्रनिहाय पाऊस (मिलिमीटरमध्ये)मुळशी ३५, लोणावळा, टेमघर १५, पवना १४, वळवण १३, कळमोडी १२, माणिकडोह, निरा देवघर ११, शिरोटा, कुंडली, भाटघर १०, ठोकरवाडी ५ मिलिमीटर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
