Agriculture Damage: पुणे जिल्ह्यात १ ते ८ जुलैदरम्यान झालेल्या पावसामुळे खरीप पिकांसह फळपिके आणि शेतजमिनीचे मोठे नुकसान झाले आहे. जिल्ह्यातील १३७ गावांतील २ हजार २०८ शेतकऱ्यांच्या ७१७ हेक्टर क्षेत्रावरील पिकांचे ३३ टक्क्यांपेक्षा अधिक नुकसान झाल्याचे नजरअंदाज अहवालातून समोर आले आहे. सात तालुक्यांतील शेतकऱ्यांना या नुकसानीचा मोठा आर्थिक फटका बसला आहे..पुणे जिल्ह्यातील पीक नुकसानीबाबतचे नजरअंदाज अहवाल जिल्हा अधीक्षक कृषी अधिकारी कार्यालयाकडे प्राप्त झाले आहेत. त्यानुसार हवेली, भोर, मावळ, मुळशी, खेड, जुन्नर आणि आंबेगाव तालुक्यांतील नुकसानीची माहिती समोर आली आहे. यामध्ये खेड तालुक्यातील नुकसानीचे क्षेत्र सर्वाधिक असून, त्याखालोखाल जुन्नर आणि आंबेगाव तालुक्यांचा क्रमांक लागतो..Rain Crop Damage: वादळी वाऱ्यासह पावसाने दाणादाण.पावसामुळे सोयाबीन, भुईमूग, भाजीपाला आणि भात रोपवाटिकांचे मोठे नुकसान झाले आहे. तसेच मुसळधार पावसामुळे शेतजमीन खरडून जाणे, खचणे आणि वाहून जाण्याच्या घटनाही घडल्या आहेत. त्यामुळे पिकांच्या नुकसानीबरोबरच शेतजमिनीच्या नुकसानीचाही शेतकऱ्यांना मोठा फटका बसला आहे..Rain Crop Damage: पूर्वमोसमी पावसाचा शिरोळमधील १,७६० हेक्टरवरील पिकांना फटका.नुकसानग्रस्त शेतकऱ्यांना जिरायती पिकांसाठी हेक्टरी ८ हजार ५०० रुपये, बागायती पिकांसाठी हेक्टरी १७ हजार रुपये, तर फळपिकांसाठी हेक्टरी २२ हजार ५०० रुपयांचे सानुग्रह अनुदान देण्यात येते. सध्या नुकसानीचे पंचनामे वेगाने सुरू असून, त्यानंतर नुकसानीचे अंतिम क्षेत्र स्पष्ट होणार आहे. नजरअंदाज अहवालानंतर पंचनाम्याच्या प्रक्रियेत नुकसानीचे क्षेत्र वाढण्याची किंवा त्यात बदल होण्याची शक्यता आहे. अंतिम अहवालानुसार आवश्यक निधीची मागणी शासनाकडे करण्यात येणार आहे..तालुकानिहाय नुकसानीचा विचार करता, खेड तालुक्यात ५४५ हेक्टर क्षेत्रावरील पिकांचे नुकसान झाले आहे. त्यानंतर जुन्नरमध्ये ५७ हेक्टर, आंबेगावमध्ये ५१ हेक्टर, मावळमध्ये ३० हेक्टर, हवेलीमध्ये १४ हेक्टर, भोरमध्ये १३ हेक्टर आणि मुळशीमध्ये ७ हेक्टर क्षेत्राचे नुकसान झाले आहे. या नुकसानीच्या प्राथमिक अहवालाच्या आधारे प्रशासनाकडून पुढील कार्यवाही सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
