Government Land Measurement Update: मागील तीन ते चार महिन्यांपासून पुणे जिल्ह्यात रखडलेली वहिवाट मोजणीची कामे बुधवारपासून (ता. १३) पुन्हा सुरू होणार आहेत. जमाबंदी आयुक्त आणि पुणे महापालिका आयुक्त यांच्यात चर्चा होऊन यावर तोडगा काढण्यात आल्याची माहिती महसूलमंत्री चंद्रशेखर बावनकुळे यांनी सोमवारी (ता. ११) पत्रकार परिषदेत दिली..यामुळे प्रलंबित असलेली सुमारे ४०० ते ५०० जमीन मोजणीची प्रकरणे मार्गी लागणार असून, मोजणीअभावी अडकलेली मालमत्ता नोंदणी प्रक्रिया पुढे सरकणार आहे. परिणामी, मध्यमवर्गीय घरखरेदीदारांना मोठा दिलासा मिळणार असल्याचेही बावनकुळे यांनी स्पष्ट केले..Maharashtra Land Survey: पोटहिस्सा मोजणीवर असणार समितीचे लक्ष.भूमी अभिलेख विभागाने वहिवाट पद्धतीने मोजणी करून देण्याची जुनी पद्धत बंद केली होती. त्याऐवजी स्थानिक स्वराज्य संस्थांकडून तात्पुरते रेखांकन करून घेण्याच्या सूचना देण्यात आल्या होत्या..Shaktipeeth Land Survey: पोलिस बंदोबस्तात ‘शक्तिपीठ’साठी मोजणी.त्यानंतर कायमस्वरूपी हद्द मोजणीसाठी अर्ज करण्याचे निर्देशही देण्यात आले होते. मात्र पालिका, नगरपालिका आणि पीएमआरडीएकडून या आदेशांची प्रभावी अंमलबजावणी होत नसल्याने नगर रचना विभागाने परिपत्रक जारी केले होते..बांधकाम परवानगीसाठी तात्पुरते रेखांकन मंजूर करणे बंधनकारक असल्याचे या परिपत्रकात नमूद करण्यात आले होते. तसेच त्याची तातडीने अंमलबजावणी करण्याच्या सूचनाही देण्यात आल्या होत्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
