Pune Rain Update: पुणे जिल्ह्यात मंगळवारी (ता. २३) झालेल्या पावसामुळे खरीप हंगामासाठी पोषक वातावरण निर्माण केले असून अनेक भागांतील शेतकऱ्यांना दिलासा मिळाला आहे. दौंड आणि नारायणगाव परिसरात झालेल्या समाधानकारक पावसामुळे रखडलेल्या पेरण्यांना वेग मिळण्याची अपेक्षा व्यक्त होत असताना, जुन्नर तालुक्यातील ओतूर परिसरात सलग मुसळधार पावसामुळे भाजीपाला व फुलपिकांचे नुकसान होण्याची भीती निर्माण झाली आहे..दौंड तालुक्यातील देऊळगावराजे, हिंगणीबेर्डी, शिरापूर, काळेवाडी, मलठण, बोरीबेल, रावणगाव, खडकी आणि नंदादेवी परिसरांत मंगळवारी दुपारनंतर वादळी वाऱ्यासह समाधानकारक पाऊस झाला..Monsoon Rain: मॉन्सूनची घोडदौड सुरुच; कोकण, मध्य महाराष्ट्र, मराठवाड्यात पावसाचा इशारा.मृग नक्षत्र कोरडे गेल्यानंतर आद्रा नक्षत्राच्या सुरुवातीलाच झालेल्या या पावसामुळे शेतकऱ्यांना दिलासा मिळाला असून खरीप पेरण्यांना गती मिळणार आहे. मात्र काळेवाडी चौफुला रस्त्यावर वादळी वाऱ्यामुळे झाड कोसळल्याने वाहतुकीची गैरसोय झाली..Monsoon Update : मॉन्सूनचा वेगवान प्रवास; मुंबई गाठली, संपूर्ण मराठवाडा व्यापला, विदर्भात वर्ध्यापर्यंत मजल.जुन्नर तालुक्यातील ओतूर, उदापूर, डिंगोरे, पिंपळगाव जोगा, बल्लाळवाडी, पांगरी माथा, डुंबरवाडी आदी भागांत सलग दुसऱ्या दिवशी मुसळधार पाऊस झाला. या पावसामुळे अनेक शेतांमध्ये पाणी साचले असून कोथिंबीर, मेथी, कांदापात, टोमॅटो, मिरची, काकडी, कोबी तसेच विविध फुलपिकांचे नुकसान होण्याची भीती व्यक्त केली जात आहे. पिकांमध्ये रोगराई वाढण्याची शक्यताही शेतकरी व्यक्त करीत आहेत..दरम्यान, नारायणगाव, वारूळवाडी, मांजरवाडी, येडगाव आणि गुंजाळवाडी परिसरात मंगळवारी सकाळी सुमारे एक तास मुसळधार पाऊस झाला. यापूर्वी पावसाअभावी खरीप पेरण्या रखडल्या होत्या. मंगळवारी झालेल्या पावसामुळे शेतकरी सुखावले असून पेरणीच्या कामांना वेग येण्याची अपेक्षा व्यक्त होत आहे. जिल्ह्यात पावसाने खरीप हंगामाला दिलासा दिला असला, तरी काही भागांतील भाजीपाला उत्पादकांसाठी तो चिंतेचा विषय ठरत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
