Pune Dam Reservoir Level: पुणे जिल्ह्याच्या पश्चिम पट्ट्यात आणि घाटमाथ्यावर गेल्या काही दिवसांत झालेल्या दमदार पावसामुळे जिल्ह्यातील धरणांमध्ये मोठ्या प्रमाणावर पाण्याची आवक झाली आहे. शुक्रवारी (ता. १०) सकाळी आठ वाजेपर्यंत जिल्ह्यातील धरणांमध्ये १०९.६० टीएमसी, म्हणजेच एकूण उपयुक्त क्षमतेच्या ५५ टक्के पाणीसाठ्याची नोंद झाली आहे. कळमोडी आणि वीर ही दोन्ही धरणे शंभर टक्के भरली असून इतर धरणांमध्येही आवक सुरू आहे..गेल्या वर्षी याच कालावधीत जिल्ह्यातील धरणांमध्ये १४८.७४ टीएमसी (७४ टक्के) पाणीसाठा होता. त्या तुलनेत यंदाचा साठा कमी असला, तरी अलीकडील पावसामुळे पिण्याच्या पाण्याबाबतची चिंता दूर करणारा आहे. मागील चोवीस तासांत धरणांमध्ये १२.७६ टीएमसी नव्याने पाण्याची आवक झाली असून, १ जूनपासून आतापर्यंत एकूण ११५.४० टीएमसी पाणी धरणांमध्ये दाखल झाले आहे..Dimbhe Dam Reservoir: डिंभे धरणक्षेत्रात ६७ मिमी पाऊस; पूर्व भागातील शेतकरी अजूनही जोरदार सरींच्या प्रतीक्षेत.पुरंदर तालुक्यातील वीर धरण पूर्ण क्षमतेने भरल्याने धरणाची पाणीपातळी नियंत्रित ठेवण्यासाठी नीरा नदीपात्रातील विसर्ग वाढविण्यात आला आहे. सध्या सुरू असलेला ११०० क्युसेक विसर्ग वाढवून ५७३७ क्युसेक करण्यात येणार असून, पावसाचे प्रमाण आणि धरणातील आवक लक्षात घेऊन त्यामध्ये आवश्यकतेनुसार वाढ किंवा घट केली जाणार आहे. कळमोडी धरणातून ४७१ क्युसेक, तर चिल्हेवाडी धरणातून ४४५ क्युसेक पाण्याचा विसर्ग सुरू आहे. दरम्यान, खडकवासला आणि इतर काही धरणांतील विसर्ग बंद करण्यात आला आहे..Dam Water Levels Drop: पाऊस लांबल्याने धरणांतील पाणीसाठ्यात घट.धरणक्षेत्रात पावसाचा जोर ओसरलामागील चोवीस तासांत धरणक्षेत्रात पावसाचा जोर तुलनेने कमी झाला. मुळशी धरणक्षेत्रात ३५ मिलिमीटर, तर टेमघर धरणक्षेत्रात १६ मिलिमीटर पावसाची नोंद झाली. याशिवाय वरसगाव, पानशेत, पवना, कळमोडी, वडीवळे, गुंजवणी, नीरा देवघर, पिंपळगाव जोगे, माणिकडोह, डिंभे आणि घोड धरणक्षेत्रात हलक्या पावसाची नोंद झाली. खडकवासला, कासारसाई, चासकमान, भामा आसखेड, आंध्रा, शेटफळ, नाझरे, भाटघर, वीर, येडगाव, वडज, चिल्हेवाडी, विसापूर आणि उजनी धरणक्षेत्रात दिवसभर ढगाळ वातावरण कायम होते..शुक्रवारी (ता. १०) सकाळी आठ वाजेपर्यंत धरणनिहाय झालेला उपयुक्त पाणीसाठा (टीएमसीमध्ये)टेमघर १.३९, वरसगाव ६.८५, पानशेत ६.२४, खडकवासला १.९३, पवना ६.३३, कासारसाई ०.५५, कळमोडी १.५१, चासकमान ५.७२, भामा आसखेड ५.६९, आंध्रा २.३४, वडिवळे १.०१, शेटफळ ०.१०, नाझरे ०.२०, गुंजवणी २.१९, भाटघर ११.६२, नीरा देवघर ६.७२, वीर ९.४१, पिंपळगाव जोगे ०.१०, माणिकडोह ३.४०, येडगाव १.९१, वडज १.०४, डिंभे ६.०६, घोड, ३.४३, विसापूर ०.१४, उजनी २३.१०, मुळशी १३.८९..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
