Pune Reservoir Inflow Report: पुणे जिल्ह्याच्या पश्चिम पट्ट्यातील घाटमाथ्यावर मागील काही दिवस मुसळधार पाऊस झाल्यानंतर गेल्या दोन दिवसांपासून पावसाचा जोर काहीसा कमी झाला आहे.मात्र धरणक्षेत्रात सुरू असलेली पाण्याची आवक अद्याप कायम असून, धरणांतील पाणीसाठ्यात सातत्याने वाढ होत आहे. सध्या जिल्ह्यातील धरणांमध्ये १८२.१७ टीएमसी, म्हणजेच ९१ टक्के पाणीसाठा उपलब्ध झाला असून अनेक धरणे भरत आली आहेत. त्यामुळे १९ धरणांतून पाण्याचा विसर्ग सुरू आहे..बुधवारी (ता. २९) सकाळी आठ वाजेपर्यंतच्या २४ तासांत घाटमाथ्यावर कुंडली धरणक्षेत्रात सर्वाधिक ८४ मिलिमीटर पावसाची नोंद झाली. त्यापाठोपाठ वळवण येथे ६३, लोणावळा ५८, ठोकरवाडी ५२ आणि शिरोटा येथे ३३ मिलिमीटर पाऊस झाला. या पावसामुळे धरणांमध्ये १.११ टीएमसी पाण्याची नव्याने आवक झाली..Dhule Rain Update: धुळे जिल्ह्यात आतापर्यंत सरासरी १०२ टक्के पाऊस.यंदाच्या एक जूनपासूनच्या पावसाचा विचार केला असता, लोणावळा घाटमाथ्यावर सर्वाधिक ३,३३० मिलिमीटर पाऊस झाला आहे. त्यापाठोपाठ वळवण येथे ३,१३२, कुंडली २,६१४, शिरोटा १,६५३ आणि ठोकरवाडी येथे १,३०९ मिलिमीटर पावसाची नोंद झाली आहे..दरम्यान, मुळशी धरणक्षेत्रात सर्वाधिक १३५ मिलिमीटर पाऊस झाला. मुठा खोऱ्यातील टेमघर, वरसगाव आणि पानशेत धरणक्षेत्रात मध्यम स्वरूपाचा पाऊस झाला, तर खडकवासला धरणक्षेत्रात तुरळक सरी बरसल्या.नीरा खोऱ्यातील वडिवळे, पवना, नीरा देवघर, कळमोडी, चासकमान आणि भामा आसखेड धरणक्षेत्रात मध्यम स्वरूपाचा पाऊस झाला. कासारसाई, आंध्रा, नाझरे, गुंजवणी आणि भाटघर धरणक्षेत्रात तुरळक सरी पडल्या, तर वीर आणि शेटफळ धरणक्षेत्रात दिवसभर ढगाळ वातावरण होते. .Rain Update: छत्रपती संभाजीनगर, जालना आणि बीड या जिल्ह्यांतील ८९ मंडलांत हलका- मध्यम पाऊस.कुकडी खोऱ्यातील पिंपळगाव जोगे, माणिकडोह, वडज आणि डिंभे धरणक्षेत्रात तुरळक पाऊस झाला, तर चिल्हेवाडी, घोड, विसापूर आणि उजनी धरणक्षेत्रात ढगाळ वातावरण कायम होते. गेल्या २४ तासांत जिल्ह्यातील धरणांमध्ये १२.१४ टीएमसी पाण्याची नव्याने आवक झाली असून, धरणांतील पाणीसाठा समाधानकारक पातळीवर पोहोचला आहे..धरणांमधून सुरू असलेला विसर्ग (क्युसेक)उजनी ६५,३७०घोड १०,२८०वीर ८,११४डिंभे ७,३५०भामा आसखेड ७,३१०मुळशी ७,२००चासकमान ७,०७५खडकवासला ६,४४३पानशेत २,३१४.येडगाव १,६०८वडज १,५००वडिवळे १,२५७आंध्रा १,२४८चिल्हेवाडी १,१२६कळमोडी ८६०पवना ८००नीरा देवघर ७५०गुंजवणी २५०कासारसाई ३००.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
