Pune Dam Chain Water Level: खडकवासला धरणसाखळीतील पाणीसाठा गतवर्षीच्या तुलनेत यंदा ३.०७ टक्क्यांनी कमी झाला असून, चारही धरणांत सध्या २८.२२ टीएमसी (अब्ज घनफूट) म्हणजेच ९६.८२ टक्के पाणीसाठा आहे. गतवर्षी याच कालावधीत धरणसाखळीत २९.१२ टीएमसी म्हणजे ९९.८९ टक्के पाणीसाठा होता. त्यामुळे यंदा ०.९० टीएमसीने साठा कमी आहे. पानशेत, वरसगाव आणि टेमघर ही तीनही धरणे १०० टक्के भरली असली, तरी खडकवासला धरणातील साठा कमी करून तो ५३.१२ टक्क्यांवर आणण्यात आला आहे..मॉन्सून दाखल झाल्यानंतर बहुतांश जून महिना हा कोरडाच गेला. त्यानंतर जुलै महिन्यात विक्रमी पाऊस झाला. यामुळे जिल्ह्यातील धरणे शंभर टक्क्यांवर पोहोचली. त्यात पुणे शहराला पिण्यासाठी पाणीपुरवठा करणाऱ्या खडकवासला धरणसाखळीतील चारही धरणे पूर्ण क्षमतेने भरली होती..Maharashtra Dams: धरणांत गतवर्षीच्या तुलनेत ११ टक्क्यांनी कमी पाणीसाठा.परंतु, ऑगस्टपासून अतिशय तुरळक ठिकाणी पाऊस झाल्याने धरणसाठ्यात आता घट होण्यास सुरुवात झाली आहे. चारही धरणांत मिळून शनिवारी सकाळी सहा वाजेपर्यंत ५९ दशलक्ष घनफूट (एमसीएफटी) पाण्याची आवक झाली. यावर्षीच्या पावसाळ्यात खडकवासला धरणातून आतापर्यंत मोठ्या प्रमाणात पाण्याचा विसर्ग करण्यात आला..१९ टीएमसी पाण्याचा विसर्गधरणाच्या सांडव्यातून आतापर्यंत १९.०५ टीएमसी पाणी सोडण्यात आले, तसेच शहराचा पाणीपुरवठा आणि शेतीसाठी कालव्याद्वारे पाणी सोडण्यात येत असल्याने खडकवासला धरणातील साठ्यात बदल होत आहे. शनिवारी सायंकाळी खडकवासला धरणातून ६२६ क्यूसेक पाणी पुणे महापालिकेसाठी सोडण्यात येत होते. पानशेत आणि वरसगावमधून प्रत्येकी ६०० क्यूसेक पाण्याचा विसर्ग सुरू होता..Maharashtra Dams: राज्यातील धरणांत १०८१ टीएमसी साठा.दृष्टिक्षेपात...२८.२२ टीएमसीचारही धरणांचा साठा९६.८२ टक्केएकूण साठा५३.१२ टक्केखडकवासला२९.१२ टीएमसी९९.८९ टक्केगतवर्षीचा साठा१०० टक्केपानशेत, वरसगाव, टेमघर१९.०५ टीएमसीखडकवासल्यातून आतापर्यंत विसर्ग.धरण पाणीसाठा (टीएमसी) टक्केवारीपानशेत १०.६५ १००वरसगाव १२.८२ १००टेमघर ३.७१ १००खडकवासला १.०५ ५३.१२.धरणसाखळीतील खडकवासला धरणातून आतापर्यंत १९ टीएमसी पाणी नदीपात्रात सोडले आहे. १६ जुलैपासून कालव्याद्वारे सुमारे ६ टीएमसी पाण्याचा वापर झाला. पुढील कालावधीतील वर्षभराचे पाणीवापराचे नियोजन करण्यासाठी प्रस्ताव तयार करण्यात आला असून, येत्या काही दिवसांत होणाऱ्या कालवा सल्लागार समितीच्या मंजुरीनंतर त्यानुसार पुढील नियोजन केले जाईल.किरण देशमुख, कार्यकारी अभियंता, जलसंपदा विभाग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
