Pune Market Committee Financial Loss: पुणे कृषी उत्पन्न बाजार समितीच्या फळे-भाजीपाला विभागातून बाजार शुल्काद्वारे मिळणाऱ्या उत्पन्नात या वर्षी सहा कोटी रुपयांची घट झाली आहे. गेल्या वर्षी कांदा, बटाटा, लसूण आदी शेतीमालाच्या दरांत मोठी घट झाल्याने ही घट झाल्याचा दावा सभापती प्रकाश जगताप आणि सचिव डॉ. राजाराम धोंडकर यांनी केला. एकूण उत्पन्नातही सुमारे पाच कोटी रुपयांची घट झाली आहे..उत्पन्नवाढीसाठी सेस गळती आणि सेस चोरी रोखण्यासाठी कठोर उपाययोजना करण्यात येणार असल्याचे सोमवारी (ता. २७) पत्रकार परिषदेत सांगण्यात आले. बाजार समितीला फळे-भाजीपाला विभागातून बाजार शुल्क (सेस)द्वारे मोठ्या प्रमाणावर उत्पन्न मिळते. गेल्या आर्थिक वर्षात या विभागातून ३३ कोटी ७५ लाख ६८ हजार ५३६ रुपये उत्पन्न मिळाले होते. मात्र २०२५-२६ मध्ये ते घटून २७ कोटी ५१ लाख ३९ हजार १९६ रुपये झाले आहे..Pune APMC Controversy: पुणे बाजार समिती वादग्रस्त जी-५६ जागांचा बेकायदा वापर .त्यामुळे सुमारे सहा कोटी रुपयांची घट झाली आहे. बाजार समितीला बाजार शुल्क या मुख्य उत्पन्नाच्या स्त्रोताव्यतिरिक्त ठेवींवरील व्याज, भाडे आदी माध्यमांतून २०२४-२५ मध्ये १०६ कोटी २५ लाख १३ हजार १४४ रुपये उत्पन्न मिळाले होते. तर २०२५-२६ मध्ये ते १०० कोटी ८० लाख ८४ हजार ९४७ रुपये झाले आहे. यामध्ये ५ कोटी ४४ लाख २८ हजार १९७ रुपयांची घट झाली आहे, असे या वेळी सांगण्यात आले..Pune APMC Inquiry Report: पुणे बाजार समिती चौकशी अहवाल संदिग्ध.आवक नोंद तफावतीवर एकही कारवाई नाहीबाजार समितीचे उत्पन्न वाढविण्यासाठी ऑनलाइन आवक नोंदीसाठी खासगी एजन्सी कार्यान्वित करण्यात आली आहे. या एजन्सीद्वारे प्रत्यक्ष शेतीमालाची आवक आणि व्यापाऱ्यांनी सादर केलेली आवक यांची पडताळणी करणे अपेक्षित आहे. तफावत आढळल्यास संबंधित व्यापाऱ्यावर कारवाई केली जाते. मात्र या वर्षी शेतीमाल आवकेतील तफावतीवर एकही कारवाई झालेली नाही, अशी माहिती सचिव डॉ. धोंडकर यांनी दिली..‘जी-५६’ वापरासाठी देणे अयोग्य : डॉ. धोंडकरबाजार आवारातील रिकाम्या जागांच्या वापरातून शुल्क वसुलीद्वारे उत्पन्न वाढवण्याचा प्रयत्न करण्यात आला होता. मात्र सध्या त्यातून कोणतेही उत्पन्न मिळत नसल्याचे सभापती प्रकाश जगताप यांनी सांगितले. भविष्यात बाजारातील वाढती शेतीमालाची आवक व वाहतूक कोंडी लक्षात घेता रिकाम्या जागा उपलब्ध असणे आवश्यक आहे. त्यामुळे त्या वापरासाठी देणे अयोग्य असल्याचे मत त्यांनी व्यक्त केले. तसेच या माध्यमातून मिळणारे उत्पन्न बाजार समितीच्या नोंदीत नसल्याचे सचिव डॉ. धोंडकर यांनी स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
