Rural Connectivity Improvement: पुणे जिल्ह्यातील ग्रामीण भागातील रस्त्यांच्या कामांसाठी जिल्हा वार्षिक योजनेतून १६७ कोटी रुपयांची तरतूद करण्यात आली आहे. या निधीतून जिल्ह्याच्या दक्षिण आणि उत्तर विभागात एकूण ७२ किलोमीटर लांबीचे २४२ रस्ते पूर्ण होणार असून, दळणवळणाला मोठी चालना मिळणार आहे..जिल्हा नियोजन समितीने (लेखाशीर्ष ३०५४) हा निधी उपलब्ध करून दिला असून, जिल्हा परिषदेच्या बांधकाम विभागामार्फत ही कामे केली जातील. यामध्ये दक्षिण विभागातील ५१ किमी लांबीच्या १२२ रस्त्यांसाठी १०२ कोटी ८५ लाख, तर उत्तर विभागातील २१ किमीच्या १२० रस्त्यांसाठी ६४ कोटी ८५ लाख रुपयांच्या निधीला प्रशासकीय मान्यता मिळाली आहे..Farm Road Scheme: शेतरस्ते योजनेत राजकीय कार्यकर्त्यांचीच वर्णी .प्रामुख्याने पुरंदर, जुन्नर आणि बारामती तालुक्यांतील रस्त्यांची संख्या सर्वाधिक आहे. निधीअभावी रखडलेली ही कामे आता सुरू होतील. २५ मेपर्यंत ही सर्व कामे पूर्ण करण्याचे आव्हान बांधकाम विभागासमोर आहे..जिल्हा परिषदेचे अध्यक्ष वीरधवल जगदाळे म्हणाले, ‘‘निधी उपलब्ध झाल्याने जिल्ह्यातील ७२ किलोमीटरचे रस्त्यांचे जाळे तयार होईल. पावसाळ्यापूर्वी कामे पूर्ण करण्याच्या सूचना दिल्या असून, ही कामे तातडीने सुरू होतील.’’.Farm Road Encroachment: पाणंद रस्त्यांवर अतिक्रमणे कायम .तालुका रस्ते लाख रु. किलोमीटरबारामती २४ ३११५ १७.९इंदापूर १७ २४८० ११.७५जुन्नर २७ १५८० २.७१दौंड १४ १५०५ १०.७५मुळशी २२ १४४५ -मावळ १८ १३५० -पुरंदर ३५ १३३० ५.७९हवेली १६ ११४० १.६०आंबेगाव १८ १०६० ६.४१शिरूर १६ ७१५ ३.७५वेल्हा १४ ६६० ०५भोर १३ ३९० ७.३११खेड - - -.मोढवे ते मोटेवाडी या रस्त्याबाबत दिवंगत उपमुख्यमंत्री अजित पवार यांच्याकडे मागणी केल्यावर त्वरित मंजुरी मिळून काम सुरू झाले होते. त्याला १ कोटी ५० लाख रुपये निधी मिळाल्यामुळे ते लवकरच पूर्ण होऊन दुर्लक्षित वस्तीला न्याय मिळणार आहे.शीतल मोरे, सरपंच, मोढवे (ता. बारामती).वाघळवाडी ते मळशी ही दोन गावे जोडणाऱ्या रस्त्याचे काम सुरू असून त्यासाठी एक कोटी रुपयांचा निधी दिल्याबद्दल जिल्हा नियोजन समितीचे आभार.हेमंत गायकवाड, सरपंच, वाघळवाडी, ता. बारामती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
