Why Pulses Imports Declined In India FY 2026: आर्थिक वर्ष २०२५ मधील विक्रमी आयातीनंतर चालू आर्थिक वर्षात देशात कडधान्यांच्या आयातीत घट झाली आहे. मागील शिल्लक साठा आणि देशांतर्गत अधिक पीक उत्पादन अंदाजाच्या आधारे व्यापारी क्षेत्रातील जाणकारांनी ही माहिती दिली आहे. याबाबतचे वृत्त फायनान्सियल एक्स्प्रेसने दिले आहे..तात्पुरत्या आकडेवारीनुसार, एप्रिल-नोव्हेंबर २०२५-२६ दरम्यान कडधान्यांची आयात २३ टक्क्यांनी कमी होऊन ३२.६ लाख टनांपर्यंत खाली आली. गेल्या आर्थिक वर्षात याच कालावधीत ४२.२ लाख टन आयात झाली होती. भारताने आर्थिक वर्ष २०२५ मध्ये विक्रमी ७३ लाख टन कडधान्यांची आयात केली होती..आर्थिक वर्ष २०२६ मध्ये कडधान्यांची एकूण आयात ४५ लाख टनांहून थोडीशी अधिक राहण्याची शक्यता आहे, असे इंडिया पल्सेस अँड ग्रेन्स असोसिएशनचे सचिव सतीश उपाध्याय यांनी म्हटले आहे. डिसेंबर २०२५ आणि जानेवारी २०२६ दरम्यान सुमारे ७ लाख टन कडधान्ये आयात करण्यात आल्याचे त्यांनी पुढे सांगितले. .World Pulses Day: डाळी; पोषण सुरक्षेचा भक्कम आधार.आर्थिक वर्ष २०२६ च्या पहिल्या आठ महिन्यांत देशात २.०६ अब्ज डॉलर्स किमतीच्या कडधान्यांची आयात करण्यात आली. वर्ष २०२५ मधील एप्रिल-नोव्हेंबर दरम्यानच्या कालावधीतील ३.३३ अब्ज डॉलर्सच्या तुलनेत हे प्रमाण ३८ टक्के कमी आहे. आर्थिक वर्ष २०२५ मध्ये भारतात आयात केलेल्या कडधान्यांचे मूल्य २०२३-२४ च्या तुलनेत ४६ टक्क्यांनी वाढून ५.४८ अब्ज डॉलर्स एवढे होते..World Pulses Day: डाळी; पोषण सुरक्षेचा भक्कम आधार.जागतिक पातळीवर उत्पादनात झालेली वाढ आणि कमी आयातीच्या पार्श्वभूमीवर भाव कमी झाले आहेत. यामुळे चालू आर्थिक वर्षात आयातीचा खर्च सुमारे ३० टक्के ते ४० टक्के कमी झाला असल्याचे अधिकृत सुत्रांचे म्हणणे आहे..कडधान्यांच्या दरात घसरणकॅनडा आणि ऑस्ट्रेलियातून प्रामुख्याने आयात होणाऱ्या पिवळ्या वाटाण्याचा जागतिक बाजारभाव सध्या प्रतिटन सुमारे ३०० डॉलरवर स्थिर आहे. मागील वर्षी हा दर प्रतिटन ४०० डॉलर एवढा होता. त्याचबरोबर, हरभऱ्याचा भावही गेल्या एका वर्षभरात प्रतिटन ७०० डॉलरवरून सुमारे ५२० डॉलरपर्यंत खाली आले आहेत. दरम्यान, चालू आर्थिक वर्षाच्या पहिल्या आठ महिन्यांत उडदाच्या आयातीत ४३ टक्क्यांनी वाढ झाली आहे. भारतात देशांतर्गत वार्षिक वापराच्या तुलनेत सुमारे १८ ते २० टक्के तूर, उडीद, मसूर, पिवळा वाटाणा आणि हरभऱ्याची कॅनडा, रशिया, ब्राझील, म्यानमार आणि आफ्रिकेतून आयात केली जाते. तूर आणि उडीद आयात ३१ मार्च २०२६ पर्यंत शुल्कमुक्त आहे. सध्या, पिवळ्या वाटाण्यांवर ३० टक्के तर मसूरवर १० टक्के शुल्क लागू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
