Onion Farmers Facing payment Delays: केंद्र सरकारच्या किंमत स्थिरीकरण निधी (पीएसएफ) योजनेअंतर्गत कांदा खरेदीनंतर शेतकऱ्यांच्या बँक खात्यात ७२ तासांत रक्कम जमा करण्याची तरतूद असली, तरी प्रत्यक्षात अनेक शेतकऱ्यांना पेमेंटसाठी प्रतीक्षा करावी लागत असल्याचे समोर आले आहे. राज्याच्या पणन कायद्यानुसार शेतीमाल खरेदीनंतर २४ तासांत पैसे देणे बंधनकारक असतानाही ‘नाफेड’ आणि ‘एनसीसीएफ’कडून नियमांचे पालन होत नसल्याची तक्रार शेतकरी करत आहेत..लासलगाव बाजार समितीअंतर्गत नाफेडसाठी नियुक्त रसलपूर (ता. निफाड) येथील राजुरकर कृषी बहुउद्देशीय सेवा सहकारी संस्थेने किंमत स्थिरीकरण योजनेअंतर्गत सोमवारी (ता. ८) भयाळे (ता. चांदवड) येथील शेतकरी शोभा दिलीप आहेर यांचा कांदा खरेदी केला. मात्र खरेदीनंतर ७२ तास उलटूनही शनिवारपर्यंत (ता. १३) त्यांच्या खात्यात रक्कम जमा झाली नव्हती..Onion Pending Payment: कांदा खरेदीची १० टक्के रक्कम अद्यापही लालफितीत.शेतकऱ्यांच्या म्हणण्यानुसार, सुरुवातीपासूनच कांदा स्वीकारण्याच्या प्रक्रियेत विलंब झाला. त्यानंतर पेमेंट रखडल्याने अडचणी वाढल्या आहेत. केंद्र सरकारने डिजिटल प्रणालीद्वारे खरेदी आणि देयक प्रक्रिया अधिक सुलभ व पारदर्शक करण्याचा दावा केला होता. मात्र प्रत्यक्षात तो प्रभावीपणे राबविला जात नसल्याचे चित्र आहे. मागील वर्षीही कांदा खरेदीची देयके दोन महिन्यांपर्यंत प्रलंबित राहिल्याच्या तक्रारी होत्या..पणन नियमांचा उघड अवमान?राज्याच्या पणन कायद्यानुसार कोणत्याही शेतमालाची खरेदी झाल्यानंतर वजनमापन प्रक्रिया पूर्ण झाल्यानंतर २४ तासांच्या आत पैसे अदा करणे बंधनकारक आहे. मात्र केंद्रीय यंत्रणांकडून ७२ तासांच्या कालमर्यादेचेही पालन होत नसल्याने पणन नियमांचा उघड अवमान होत आहे, अशी टीका शेतकरी वर्गातून होत आहे..Pending Onion Payment: कांदा विक्री केलेल्या शेतकऱ्यांचे थकित पैसे संक्रांतीच्या आत द्या: छगन भुजबळ.केंद्रीय वखार महामंडळामुळे प्रक्रियेत विलंब?खरेदी प्रक्रियेत वजनकाट्याची स्लिप अपलोड झाल्यानंतर त्याच दिवशी बिल आणि पावती मिळणे अपेक्षित असते. मात्र यंदा केंद्रीय वखार महामंडळाकडे वेअरहाउस पावती आणि लॉट तयार करण्याची जबाबदारी देण्यात आल्याने प्रक्रियेत विलंब होत असल्याचे खरेदीदार सहकारी संस्थांचे म्हणणे आहे..पावत्या वेळेत उपलब्ध होत नसल्याने शेतकऱ्यांना वखार महामंडळावर विसंबून राहावे लागत आहे. संबंधित प्रकरणात तीन दिवस पावती मिळाली नसल्याने आता ‘नाफेड’मार्फत ऑफलाइन पद्धतीने सोमवारपर्यंत रक्कम जमा करण्याचे आश्वासन देण्यात आल्याचे सांगण्यात आले..कांदा खरेदीची सौदापट्टी होऊनही ७२ तासांनंतर शेतकऱ्यांचे पेमेंट प्रलंबित असेल, तर ही गंभीर बाब आहे. या प्रकरणाचा प्रशासकीय पातळीवर तातडीने पाठपुरावा करू. शेतकऱ्यांना त्यांचे पैसे लवकर मिळावेत यासाठी, तसेच खरेदी यंत्रणेतील तांत्रिक आणि प्रक्रियात्मक अडचणी दूर करण्यासाठी संबंधित यंत्रणांशी चर्चा केली जाईल.शरद जरे, पणन संचालक, महाराष्ट्र राज्य.मी सोमवारी निफाड उपबाजार आवारात नाफेडला कांदा विकला; मात्र अद्याप पैसे मिळाले नाहीत. त्याच दिवशी वडिलांनी पिंपळगाव बसवंत बाजार समितीत कांदा विकला आणि त्याच संध्याकाळी पैसे मिळाले. तेथे भावही प्रतिक्विंटल ४० रुपयांनी जास्त होता. येथे भावही कमी आणि पैसेही वेळेवर नाहीत.ज्ञानेश्वर आहेर, कांदा उत्पादक शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
