Dhule News : साक्री तालुक्यातील १० उपसासिंचन योजनांसाठी ६५ कोटी रुपयांची तरतूद करून द्यावी, अशी मागणी सातत्याने शासनाकडे केली जात आहे. परंतु शासनाकडून यासंबंधी भरीव निधी दिला जात नसल्याची स्थिती आहे. .साक्री तालुक्यातील पांझरा, जामखेली, मालनगाव, बुराई असे मोठे मध्यम प्रकल्प ३० ते ४० वर्षांपूर्वी बांधलेले आहे. या प्रकल्पांची पाणी साठवण क्षमता मोठ्या प्रमाणात आहे. शासनाच्या धोरणानुसार २० टक्के क्षेत्रात धरणाच्या पाणलोट क्षेत्राच्या वरच्या बाजूस १० उपसा सिंचन योजनांचे सर्व्हेक्षण करण्यात आले असून या उपसा सिंचन योजनांना महाराष्ट्र जलसंधारण महामंडळाने २० जानेवारी २०२१ च्या निर्णयानुसार प्रशासकीय मान्यता दिली आहे..Agriculture Irrigation Scheme: शेतकऱ्यांना सिंचनासाठी मिळणार ४ लाखांपर्यंत अनुदान; सिंचन क्षेत्र वाढीसाठी सरकारची योजना.त्यात प्रामुख्याने लाटीपाडा प्रकल्पावर सीतारामपूर, सुकापूर, कोकणगाव या ३ उपसासिंचन योजना, मालनगाव प्रकल्पावर शिरसोले, खट्याळ, आंबा आणि खांडबारा या ३ उपसासिंचन योजना, जामखेली प्रकल्पावर पुण्याचापाडा, चिंचपाडा, धनगाई, दापूर अशा ४ उपसासिंचन योजना राबविल्या जाणार आहेत. १० उपसासिंचन योजना आदिवासी क्षेत्रात येत असून या योजना कार्यान्वित झाल्यास मतदार संघातील शेतकऱ्यांच्या शेतापर्यंत उपसासिंचन योजनेद्वारे पाणी उपलब्ध होऊन कृषी सिंचनाचा मोठ्या प्रमाणावर लाभ मिळणार आहे..Agriculture Irrigation Scheme : पंतप्रधान कृषी सिंचन पाणलोट योजनेचा बोजवारा.या योजना कार्यान्वित करण्यासाठी ६४ कोटी ४२ लाख ६५ हजार ६४४ म्हणजेच ६५ कोटी रुपये निधीची आवश्यकता आहे.साक्री विधानसभा मतदार संघातील सीतारामपूर, सुकापूर, कोकणगाव, शिरसोले, खट्याळ आंबा, खांडबारा,.पुण्याचापाडा, चिंचपाडा, धनगाई, दापूर अशा १० उपसासिंचन योजनांसाठी ६५ कोटी रुपयांचा निधी आदिवासी विभागाकडून उपलब्ध करून द्यावा, अशा मागणीचे पत्र मध्यंतरी आदिवासी विकास मंत्री व शासनाकडे करण्यात आली होती. परंतु ठोस निधी, तरतूद करण्यात आलेली नसल्याची माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
