Mumbai News: नगर परिषद आणि नगरपंचायत निवडणुकीमध्ये झालेला घोळ पुन्हा होऊ नये यासाठी राज्य सरकारने निवडणूक निर्णय अधिकाऱ्याला अंतिम अधिकार देण्याचा निर्णय मंत्रिमंडळ बैठकीत बुधवारी (ता. १७) घेण्यात आला. या दुरुस्तीमुळे अर्ज स्वीकारणे किंवा नाकारण्याचा अधिकार निवडणूक निर्णय अधिकाऱ्याकडे असेल. .निवडणूक निर्णय अधिकाऱ्यांविरोधात जिल्हा न्यायालयात दाद मागण्याची तरतूद होती. मात्र त्या तरतुदीमुळे अपील दाखल होऊन निर्णय वेळेत येत नव्हते. त्यामुळे निवडणुकीचे वेळापत्रक बिघडल्याची अनेक उदाहरणे समोर आली होती..Municipal Election: महानगरपालिकांसाठी १५ जानेवारीला मतदान.महाराष्ट्र जिल्हा परिषदा आणि पंचायत समित्या अधिनियम, १९६१ च्या कलम १४ (२) मध्ये सुधारणा करण्यास बुधवारी मंत्रिमंडळ बैठकीत मान्यता देण्यात आली. या कायद्यातील पोट-कलम (२) अंतर्गत उमेदवारी अर्ज (नामनिर्देशनपत्रे) स्वीकारणाऱ्या किंवा स्वीकारण्यास नकार देणाऱ्या निवडणूक अधिकाऱ्याच्या निर्णयाविरुद्ध जिल्हा न्यायालयासमोर अपील दाखल करता येत होते..मात्र विविध जिल्हा न्यायालयांमध्ये वेगवेगळ्या कालावधीसाठी अशी अनेक अपिले प्रलंबित राहत असल्याने निवडणुका कालबद्धरित्या घेणे शक्य होत नसल्याने हा निर्णय घेण्यात आला. या बाबत राज्य निवडणूक आयोगाने शासनास या तरतुदी वगळण्याबाबतचा प्रस्ताव शासनास पाठविला आहे..Maharashtra Municipal Corporation Elections: मुंबईसह २९ महापालिका निवडणुकांचा बिगुल वाजला, १५ जानेवारीला मतदान, 'या' तारखेला निकाल.त्या अनुषंगाने राज्य शासनास अशा निवडणुकांबाबत नियम करता येतील, तसेच उमेदवारी अर्ज (नामनिर्देशनपत्रे) स्वीकारणाऱ्या किंवा स्वीकारण्यास नकार देणाऱ्या निवडणूक निर्णय अधिकाऱ्याचा निर्णय अंतिम असेल, अशी कलमे यात समाविष्ट करण्यात आली आहे. या बाबत महाराष्ट्र जिल्हा परिषदा व पंचायत समित्या (सुधारणा) अध्यादेश, २०२५ काढण्यास बैठकीत मंजुरी देण्यात आली..राज्य संरक्षित स्मारक परिसरातील अतिक्रमणे रोखणारराज्यातील गड-किल्ल्यांप्रमाणेच राज्य संरक्षित स्मारकांच्या ठिकाणांवरील अतिक्रमणे रोखण्यासाठी सांस्कृतिक कार्य मंत्र्यांच्या अध्यक्षतेखाली समिती स्थापन करण्याचा निर्णय मंत्रिमंडळ बैठकीत घेण्यात आला. या निर्णयानुसार सांस्कृतिक कार्य विभागाच्या यापूर्वीच्या शासन निर्णयातील गड-किल्ल्यांवरील अतिक्रमणे काढण्याबाबतच्या तरतुदींची व्याप्ती वाढविण्यात आली आहे. यामध्ये आता राज्य संरक्षित स्मारकांचाही समावेश करण्याचा निर्णय घेण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
