Kolhapur News: ऊस दराच्या आंदोलनावरून शेतकरी संघटनांकडून ऊस भरलेली वाहने अडवण्याचे सत्र बुधवारी(ता.२९) सुरूच राहिले. बुधवारी सकाळी हुपरी (ता. हातकणंगले) येथे वाहने अडवण्याचे प्रकार घडले. दरम्यान, या प्रश्नांमध्ये प्रशासन लक्ष घालत नसल्याने आंदोलनाची व्याप्ती वाढत असल्याचे चित्र आहे. .कोल्हापूर-सांगली महामार्गावरील निमशिरगाव (ता. शिरोळ) जवळ ऊस वाहतूक करणारे तीन ट्रॅक्टर अज्ञातांनी पेटवून दिले. यात वाहनांचे मोठे नुकसान झाले असून शेतकरी आणि पोलिसांनी घटनास्थळी धाव घेऊन आग आटोक्यात आणण्याचा प्रयत्न केला. मंगळवारी (ता.२८) रात्री साडेनऊच्या सुमारास हा प्रकार घडला..Farmers Protest: ‘ती’ जमीन शेतकऱ्यांना परत द्या; स्वाभिमानी संघटनेची मागणी.शिरोळ तालुक्यात काही दिवसांपासून ऊस दरासाठी विविध आंदोलने सुरू आहेत. उसाचा भाव निश्चित करून हा भाव मिळवण्यासाठी शेतकरी चळवळीत काम करणारे कार्यकर्ते सक्रिय झाले आहेत. तालुक्यात विविध मार्गांनी आणि विविध संघटनांकडून आंदोलने सुरू आहेत. एक नोव्हेंबरपासून राज्यातील कारखान्यांचा हंगाम सुरू होणार असला तरी कर्नाटकात सुरू झालेल्या हंगामाच्या पार्श्वभूमीवर महाराष्ट्राच्या सीमाभागातील कारखान्यांमध्ये चिंतेचे वातावरण आहे..Farmer Protest: चटणी-भाकरी खाऊन दिवाळी साजरी करत शासनाचा जाहीर निषेध.जिल्ह्यात कारखान्यांकडून एक नोव्हेंबरपूर्वीच हंगाम सुरू करण्यात येत आहे. उसाची पळवापळवी टाळण्यासाठी कारखान्यांनी मुदतीपूर्वीच कारखाने सुरू करण्याचा प्रयत्न सुरू केला आहे. संघटनांनी केलेल्या दराच्या मागणीवर कारखानदारांकडून सकारात्मक भूमिका घेतली जात नसल्याची भावना आंदोलकांमध्ये आहे..कारखानदारांकडून केवळ एफआरपीची रक्कम जाहीर केली जात असल्याने शिवाय गत हंगामातील जादाची बिले देण्याबाबत कारखानदारांकडून सकारात्मक प्रतिसाद मिळत नसल्याने आंदोलन उग्र स्वरूप धारण करत आहे. मंगळवारी रात्री साडेनऊच्या सुमारास उसाची वाहतूक करणाऱ्या तीन वाहने अडवून अनोळखींनी ती पेटवून दिली. याबाबत तातडीने पोलिसांना कळविण्यात आले, पोलिस घटनास्थळी येईपर्यंत अज्ञात पळून गेले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
