Nanded News: नांदेड प्रादेशिक सहसंचालक (साखर) कार्यालयाअंतर्गत नांदेड विभागात खासगी साखर कारखान्यांनी ऊस गाळपात आघाडी घेतली आहे. रविवारअखेर (ता. ११) २९ साखर कारखान्यांनी ६८ लाख ४६ हजार २७१ टन उसाचे गाळप केले. तर ५९ लाख ९६ हजार ८९० क्विंटल साखरचे उत्पादन केल्याची माहिती प्रादेशिक सहसंचालक (साखर) कार्यालयाच्या सूत्राने दिली..प्रादेशिक सहसंचालक (साखर), कार्यालय, नांदेड विभागातील नांदेडसह परभणी, हिंगोली व लातूर या चार जिल्ह्यांतून गाळप हंगाम २०२५-२६ साठी ३० कारखान्यांनी ऑनलाइन अर्ज केले होते. यातील आजपर्यंत २९ कारखान्यांना गाळप सुरू केले आहे. यात १९ खासगी तर १० सहकारी साखर कारखान्यांचा समावेश आहे. .सध्या विभागात गाळपाला गती आहे. थंडीच्या कडाक्यातही ऊसतोड कामगार भल्या पहाटेपासून ऊस तोडणीच्या कामाला लागत आहेत. रविवारअखेर (ता. ११) ६८ लाख ४६ हजार २७१ टन उसाचे गाळप केले. तर ५९ लाख ९६ हजार ८९० क्विंटल साखरचे उत्पादन केले. साखरेचा सरासरी उतारा ८.८२ टक्के असल्याची माहिती साखर सहसंचालक कार्यालयाच्या सूत्राने दिली. नांदेड विभागात सर्वाधिक १२ साखर कारखाने लातूर जिल्ह्यात सुरू झाले आहेत. यात सहा खासगी तर सहा सहकारी कारखान्यांचा समावेश आहे..Sugarcane Crushing Season: कोल्हापूर विभागात ऊस गाळप हंगाम मध्यावर.यानंतर परभणी जिल्ह्यात सहा कारखाने सुरू झाले आहेत. हे सर्वच कारखाने खासगी आहेत. नांदेड जिल्ह्यात सहा काखान्यांनी गाळप सुरू केले. यात पाच खासगी तर एक सहकारी साखर काखान्याचा समावेश आहे. हिंगोली जिल्ह्यात पाच साखर कारखाने सुरू झाले आहेत. यात दोन खासगी तर तीन सहकारी साखर कारखान्यांनी गाळप सुरू केले आहे..Sugarcane Crushing Season: कार्यक्षेत्रातील ऊस तोडीकडे कारखान्यांचे दुर्लक्ष.‘ट्वेंटीवन’, ‘गंगाखेड’ची आघाडीनांदेड विभागात यंदा लातूर जिल्ह्यातील ट्वेंटीवन शुगर लि., माळवटी (जि. लातूर) या खासगी कारखान्याने चार लाख ६८ हजार ४१७ टन उसाचे गाळप करून आघाडी घेतली आहे..तर परभणी जिल्ह्यातील गंगाखेड शुगर अँड एनर्जी लि., माखणी या खासगी कारखान्याने आजपर्यंत चार लाख ४९ हजार ६३० टन उसाचे गाळप करून आघाडी घेतली. त्यापाठोपाठ तर ट्वेन्टीवन शुगर, सायखेडा (ता. सोनपेट) कारखान्याने चार लाख चार हजार ३७५ टन उसाचे गाळप केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
