Akola News: कृषी विभागाने महिनाभरापासून महाडीबीटीपोर्टलवरील ‘पूर्वसंमती’ हा अत्यंत महत्त्वाचा घटक लॉक करून ठेवल्याने राज्यभरातील हजारो शेतकऱ्यांचे प्रस्ताव अडकून पडले आहेत. शासनाकडून शेतकऱ्यांना विविध योजनांचा लाभ घेण्यासाठी महाडीबीटी पोर्टलवर अर्ज करण्याचे वारंवार आवाहन केले जाते. त्यानुसार शेतकऱ्यांनी मोठ्या संख्येने अर्जही केले; मात्र पुढील टप्प्यावरच प्रक्रिया ठप्प झाल्याने शेतकरी हतबल झाले आहेत..महाडीबीटीच्या माध्यमातून फलोत्पादन, सूक्ष्मसिंचन, कृषी यांत्रिकीकरण आदी योजनांचा लाभ दिला जातो. अर्ज केल्यानंतर शेतकऱ्याची निवड झाल्यास त्याला संबंधित यंत्र किंवा साहित्याकरिता कोटेशन, डीलर सर्टिफिकेट सादर करावे लागते. त्यानंतर हे प्रकरण सहायक कृषी अधिकारी स्तरावर तपासणीसाठी जाते आणि पुढे तालुका कृषी अधिकाऱ्यांकडे मंजुरीसाठी पाठवले जाते. मात्र महाडीबीटी पोर्टलवरील ‘पूर्वसंमती’चा टॅब बंद असल्याने तालुका कृषी अधिकाऱ्यांच्या डेस्कवर फायलींचा अक्षरशः ढीग साचला आहे..MahaDBT Apply : महाडीबीटीच्या योजनेसाठी निवड होऊनही शेतकरी लाभाच्या प्रतिक्षेत.सध्या अर्ज सादर झालेले आहेत, कागदपत्रांची पूर्तता झाली आहे. तपासणीही पूर्ण झाली आहे; मात्र पूर्वसंमती न मिळाल्याने पुढील कोणतीही कार्यवाही होऊ शकत नाही. ऑनलाइन पद्धतीने पूर्वसंमतीचा टॅब बंद आहे. संबंधित खिडकीच तात्पुरती बंद ठेवण्यात आल्याने संपूर्ण यंत्रणा ठप्प झाल्यासारखी आहे. कृषी अधिकारीही हतबल असून, त्यांच्याकडे येणाऱ्या शेतकऱ्यांना समाधानकारक उत्तर देता येत नसल्याचे चित्र आहे. .शासनाने शेतकऱ्यांना ऑनलाइन प्रणालीकडे वळवले असले, तरी अशा प्रकारे पोर्टलवरील महत्त्वाचा टॅब बंद ठेवल्याने या व्यवस्थेवरील विश्वास डळमळीत होऊ लागला आहे. शिवाय बंद ठेवण्यामागील ठोस कारणही दिल्या गेलेले नाही. महाडीबीटी पोर्टलवरील पूर्वसंमतीची खिडकी तातडीने सुरू करावी, अशी मागणी होऊ लागलेली आहे..MahaDBT Subsidy : महाडीबीटीच्या यंत्र वा अवजारांची खरेदी देयक ३० दिवसांनंतरही अपलोड करता येणार; कृषी विभागाने केली अट शिथिल.तालुका कृषी अधिकाऱ्यांनाही अडचणपूर्वसंमती देता येत नसल्याने शेतकऱ्यांच्या अडचणी आमच्याही लक्षात येत आहेत. वारंवार विचारणा केली जात आहे. पोर्टलवर सध्या ही सुविधा बंद असल्याने आम्हालाही अडचणीला सामोरे जावे लागत आहे, असे एका तालुका कृषी अधिकाऱ्याने सांगितले..शेतकऱ्यांच्या वाढल्या फेऱ्याया गोंधळाचा फटका थेट शेतकऱ्यांना बसण्याची शक्यता आहे. अनेक शेतकरी दररोज तालुका कृषी अधिकारी कार्यालयाच्या फेऱ्या मारत आहेत. काही जण दूरध्वनीवरून वारंवार चौकशी करत आहेत. पेरणी, लागवड व हंगामाच्या कामांसाठी यंत्रे, सूक्ष्मसिंचन साहित्य किंवा अन्य निविष्ठांची तातडीने गरज असताना पूर्वसंमती रखडल्याने शेतकऱ्यांचे नियोजन कोलमडले आहे..मी तीन महिन्यांपूर्वी ट्रॅक्टरवर चालणाऱ्या शेती अवजारांसाठी अर्ज केलेला आहे. दोन-तीन वेळा अधिकाऱ्यांकडे विचारणासुद्धा केली. अद्यापपर्यंत पूर्वसंमती मिळालेली नाही.अमोल खर्चे, शेतकरी, मोताळा, जि. बुलडाणा.तुषार सिंचनासाठी महाडीबीटीवर चार महिन्यांपूर्वी मी अर्ज केला आहे. २७ ऑक्टोबरला कोटेशन अपलोड केलेले आहे. अद्याप मला पूर्वसंमती मिळालेली नाही.गोपाल ढोणे, शेतकरी, सारशिव, ता. मेहकर, जि. बुलडाणा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
