Dharashiv News: यंदाच्या खरीप हंगामात पंतप्रधान पीकविमा योजनेत शेतकऱ्यांनी विविध पिकांसाठी केलेले १२ हजार ३५३ पीकविम्याचे अर्ज विमा कंपनीने चुकीची कारणे देऊन रद्द केली आहेत. जिल्हास्तरीय तक्रार निवारण समितीच्या बैठकीत हा प्रकार उघड झाला. .कंपनीने जून ते ऑक्टोबर २०२५ या काळात अर्ज रद्द करण्यासाठी घेतलेले आक्षेप हे तांत्रिक तसेच तथ्यात्मकदृष्ट्या चुकीचे असल्याचे दिसून आले. यामुळे या सर्व अर्जांचे सात दिवसांत छाननी करून अहवाल सादर करण्याचे आदेश समितीचे अध्यक्ष तथा जिल्हाधिकारी कीर्ती किरण पुजार यांनी दिले आहेत..Rabi Crop Insurance: सोलापूर जिल्ह्यातील केवळ ४३ हजार जणांनी भरला पीकविमा.पंतप्रधान पीकविमा योजना खरीप हंगाम २०२५ अंतर्गत श्री. पुजार यांच्या अध्यक्षतेखाली झालेल्या जिल्हास्तरीय आढावा समिती व जिल्हास्तरीय तक्रार निवारण समितीच्या बैठकीला संबंधित पीकविमा कंपनीचे प्रतिनिधी, समितीचे सदस्य, आपले सरकार सेवा केंद्राचे जिल्हा व तालुकास्तरीय प्रतिनिधी तसेच कृषी विभागाचे अधिकारी उपस्थित होते..बैठकीत पीकविमा योजनेच्या खरीप हंगामातील अंमलबजावणीबाबत आढावा घेण्यात आला. यात पीकविमा अर्ज स्वीकृती, पात्रता व अपात्रता, विमा कंपनीकडून घेण्यात आलेले आक्षेप, शेतकऱ्यांकडून प्राप्त तक्रारी आदींवर चर्चा करण्यात आली..Crop Insurance: विश्वास वाढवा, सहभागही वाढेल.समितीच्या बैठकीत सुकाणू समितीने यापूर्वी घेतलेल्या निर्णयांवर चर्चा करण्यात येऊन ते निर्णय जिल्हास्तरीय समितीने कायम ठेवले. समितीच्या बैठकीत विमा कंपनीकडून जून ते ऑक्टोबर २०२५ या कालावधीत रद्द करण्यात आलेल्या शेतकऱ्यांच्या १२ हजार ३५३ पीकविमा अर्जांवर चर्चा करण्यात आली. यातील अनेक अर्जांमध्ये कंपनीकडून घेतलेले आक्षेप तांत्रिक व तथ्यात्मकदृष्ट्या चुकीचे असल्याचे निदर्शनास आले. यावर पुजार यांनी तीव्र नाराजी व्यक्त केली..छाननीदरम्यान विमा कंपनीकडून चुकीचे अथवा अन्यायकारक आक्षेप घेतल्याचे आढळून आल्यास संबंधित विमा कंपनीविरुद्ध विमा योजनेच्या मार्गदर्शक सूचनांनुसार कायदेशीर कारवाई करण्यात येईल, असा इशाराही श्री. पुजार यांनी दिला आहे..‘त्रुटी सुधारून संधी द्या’रद्द करण्यात आलेल्या पीकविमा अर्जातील त्रुटी सुधारून संबंधित शेतकऱ्यांना योजनेत सहभागी करून घेण्यासाठी एक संधी उपलब्ध करून देण्यासाठी विमा कंपनीने योग्य ती कार्यवाही करावी. केवळ तांत्रिक कारणांमुळे शेतकऱ्यांचे अर्ज प्रलंबित राहू नयेत अथवा अपात्र ठरू नयेत, यासाठी विशेष दक्षता घेण्यात यावी, असे आदेशही जिल्हाधिकारी पुजार यांनी बैठकीत दिले.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
