Dharashiv News: हलक्या जमिनी वगळता भारी जमिनी वाफशाला येण्यास उशीर लागत असल्याने रब्बीचा हंगाम लांबणार आहे. अनेक ठिकाणी सोयाबीनची काढणी सुरूच आहे. सोयाबीन काढणी उरकेल त्याप्रमाणे शेतकऱ्यांनी वाफसा झालेल्या हलक्या शेतजमिनीची पेरणीपूर्व मशागत सुरू केली आहे; मात्र अतिपावसामुळे यंदा तण खूप माजले आहे. त्यामुळे मशागतीचा खर्च दुपटीने वाढला आहे..हलक्या, माळरानावरील जमिनीतील ओलावा कमी होत चालला आहे, तर भारी जमिनी अजून वाफशाला आलेल्या नाहीत. त्यामुळे हलकी जमीन भिजवून पेरणी करण्याची वेळ शेतकऱ्यांवर येणार आहे..Rabi Sowing: सांगलीत रब्बीच्या हंगामाला गती.यंदा विक्रमी आणि सतत पाऊस झाल्याने शेतजमिनींसह बांधांवर तण मोठ्या प्रमाणात माजले आहे. त्यामुळे रब्बी पेरणीसाठी जमिनीची मशागत करताना शेतकऱ्यांना मोठी कसरत करावी लागत आहे..Rabi Sowing: खानदेशात रब्बी पेरणी १५ टक्के पूर्ण; शेतकऱ्यांचा हरभऱ्याकडे कल.याशिवाय तण मशागत खर्चही वाढला आहे. कारण, तण कमी असल्यास कुळवणी, मोगडणी करून पेरणी करता येते. त्यासाठी एकरी ९०० रुपये खर्च येतो. मात्र, शेतात तण जादा असल्याने आता रोटाव्हेटर फिरविल्याशिवाय पर्याय नाही. या रोटाव्हेटरसाठी एकरी १८०० रुपये खर्च येत आहे..मशागत खर्च दुपटीने वाढला आहे. पारंपरिक पद्धतीने बैलांद्वारेही शेती मशागत करण्यास काही शेतकरी प्राधान्य देत आहेत. सध्या बैलजोडीने कुळवणी करण्यासाठी एकरी एक हजार ५०० रुपये खर्च येत आहे. हीच मशागत ट्रॅक्टरद्वारे ९०० रुपयांत होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
