Sangli News: सांगली जिल्ह्यातील नागज, मिरज परिसरासह सोलापूर जिल्ह्यातील जुनोनी भागात यंदाच्या बेदाणा निर्मिती हंगामाच्या पूर्वतयारी सुरू झाली आहे. बेदाणा शेडमालकांनी शेडची डागडुजी, दुरुस्ती, स्वच्छता, शेडनेट बांधणे अशी कामे सुरू केली आहेत. येत्या आठवड्याभरात यंदाचा बेदाणा निर्मितीचा हंगाम सुरू होईल. मार्चच्या पहिल्या आठवड्यात नवा बेदाणा बाजारात विक्रीसाठी उपलब्ध होईल, अशी माहिती बेदाणा शेडमालक व शेतकऱ्यांनी दिली..गतवर्षी झालेल्या अतिवृष्टीचा मोठा फटका द्राक्ष पिकाला बसल्यामुळे यंदाचा बेदाणा हंगाम जवळपास २० ते २५ दिवस उशिरा सुरू होत आहे. या पार्श्वभूमीवर, सांगली जिल्ह्यातील नागज, मिरज व अन्य भागांसह सोलापूर जिल्ह्यातील जुनोनी परिसरात बेदाणा शेडची डागडुजी, स्वच्छतेच्या कामांचे नियोजन शेडमालक करू लागले आहे. यासाठी स्थानिक मजूरही शेडवर कामासाठी दाखल झाले आहेत. हळुहळू परराज्यातील मजूरही बेदाणा शेडवर दाखल होऊ लागले आहेत..Chinese Raisins: शीतगृहांमध्ये चीनचा बेदाणा नाहीच.मागील चार ते पाच दिवसांपासून बेदाणा शेडची डागडुजी, दुरुस्ती, स्वच्छता, शेडनेट बांधणे अशी कामे सुरू आहेत. सद्यःस्थितीला दीडशे ते दोनशे शेडवर ही कामे चालू असल्याचे शेड मालकांनी सांगितले आहे. उर्वरित शेडची दुरुस्ती फेब्रुवारीच्या मध्यापासून सुरू होईल. गतवर्षीच्या हंगामात सुमारे २० हजार मजूर परराज्यातून येथे दाखल झाले होते. यंदाचा हंगाम उशिरा सुरू झाला, त्यातच द्राक्ष टंचाईमुळे शेडची संख्याही कमी असेल. त्यामुळे हंगामात मजुरांची संख्यादेखील कमी होण्याची शक्यता आहे, असे जाणकारांनी सांगितले..Raisin GI Tag: बेदाण्याचे भौगोलिक नामांकन कागदावरच.यंदा द्राक्षाचे उत्पादन अंदाजे ५० टक्क्यांपर्यंत कमी असल्याने बेदाण्यासाठी द्राक्षाची टंचाई भासणार आहे. त्यामुळे शेडमालक द्राक्षाचा अंदाज घेऊन शेड सुरू करण्याचा विचार करत आहे. यंदाच्या हंगामात बेदाणा तयार करण्यासाठी एक ते दीड हजार शेड सज्ज होतील, असा प्राथमिक अंदाज बेदाणा शेड मालकांनी व्यक्त केला आहे. बेदाणा निर्मिती फेब्रुवारीच्या मध्यापासून जरी सुरू होत असली, तरी मार्च महिन्याच्या दुसऱ्या आठवड्यापासून बेदाणा निर्मितीला गती येईल..यंदाच्या हंगामासाठी बेदाणा शेडची दुरुस्ती सुरू केली आहे. द्राक्षाचा अंदाज घेऊन बेदाणा तयार करण्यासाठी शेडची संख्या वाढविणार आहे. नवा बेदाणा या महिन्याच्या अखेरीस विक्रीस येईल. सुनील माळी, बेदाणा शेड मालक, केरेवाडी, ता. कवठेमहांकाळ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
