Dhule News: खानदेशात कांदा लागवडीची तयारी शेतकरी करीत आहेत. त्यासाठी कांदा रोपवाटिका तयार झाल्या असून, कांदा लागवड काही भागात सुरू झाली आहे. .कांदा बियाण्याचे दर स्थिरावल्याने शेतकऱ्यांनाही दिलासा मिळत आहे. मध्यंतरी कांदा बियाणे दरवाढ सुरूच राहीली किंवा बियाणे अधिक दरात शेतकऱ्यांना घ्यावे लागेल, अशी स्थिती होती. परंतु अस्थिर बाजारामुळे कांदा लागवडीबाबत भीतीचे वातावरण आहे. यात अनेकांनी रोपवाटिका तयार करणे टाळले..Onion Cultivation : खानदेशात रब्बी, उन्हाळ कांदा रोपवाटिका निर्मितीची तयारी वेगात.लागवडीसाठी रोपवाटिकांमधील रोपे तगण्याची स्थिती चांगली किंवा समाधानकारक आहे. रोपे खरेदीची तयारीही अनेकांनी केली आहे. रोपवाटिका तयार करण्याची कार्यवाही मागील महिन्यातच झाली. काही भागात या रोपवाटिका तयारही झाल्या आहेत. कांदा बियाणे बाजारातील तेजीही कमी होत आहे. ग्रामीण भागात अनेक शेतकरी दर्जेदार बियाण्याची विक्री करीत होते. यामुळे काही शेतकऱ्यांनी व्यावसायिक रोपवाटिका तयार केल्या..रोपवाटिकांची संख्याही मोठीधुळ्यात शिंदखेडा, शिरपूर, जळगाव जिल्ह्यात जळगाव, एरंडोल, धरणगाव, रावेर, चोपडा आदी भागांत अनेक कांदा बियाणे विक्रेते शेतकरी आहेत. ५००, ९०० ते १००० आणि १२०० रुपये प्रति किलो या दरात बियाण्याची विक्री ही मंडळी करीत होती. यंदा रोपवाटिकांची संख्याही बऱ्यापैकी आहे. यातच अनेक शेतकरी कांदा पिकाकडे वळत असल्याची स्थिती आहे. पुढे लागवड स्थिरावेल, असा अंदाज आहे..Onion Cultivation: जुन्नर तालुक्यात बेड पद्धतीने कांदा लागवडीकडे कल.पाऊसमान चांगले असल्याने धुळे, नंदुरबार भागातील लागवडीत घट होणार नाही, असे दिसत आहे. बियाणे आवाक्यात राहिल्याने तेवढा दिलासा शेतकऱ्यांना मिळाला. कांदा रोपवाटिका धुळे, जळगाव व नंदुरबारमध्ये आहेत. धुळ्यातील साक्री, धुळे, जळगावातील चोपडा, यावल, धरणगाव, एरंडोल, चाळीसगाव, नंदुरबारमधील शहादा, नंदुरबार व नवापुरात कांदा रोपवाटिका वाढल्या. त्यातील रोपे लागवडीसाठी तयार झाली असून, पुढील आठवड्यात लागवडीस गती येईल, असे दिसत आहे..पाण्याची नाही चिंताकांदा पिकास सिंचनाची गरज भासते. पण पाऊस चांगला झाला आहे. यामुळे कांदा लागवडीवर काही भागात कुठलाही परिणाम झालेला नाही. सिंचनासाठी पुढे शेतकऱ्यांना मुबलक पाणी मिळणार आहे. कांद्याची लागवड धुळे जिल्ह्यात अधिक होईल. कांदा लागवड साक्री, शिंदखेडा भागात अधिक असणार आहे. जळगाव जिल्ह्यात चोपडा, यावल, जामनेर, पाचोरा आदी भागांत लागवड होईल, अशी स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
