Agricultural Loss: एप्रिल महिन्यात झालेल्या मुसळधार पूर्वमोसमी पावसामुळे शिरोळ तालुक्यातील सुमारे १,७६० हेक्टर क्षेत्रावरील पिकांचे नुकसान झाल्याचे पंचनाम्यांतून स्पष्ट झाले आहे. नुकसानीचा अहवाल शासनाकडे सादर करण्यात आला असला, तरी अद्याप भरपाईबाबत कोणताही निर्णय झालेला नसल्याने शेतकरी प्रतीक्षेत आहेत..मान्सूनपूर्व पावसामुळे तालुक्यात भुईमूग, सोयाबीन आणि भात पेरणीच्या तयारीला वेग आला आहे. शेतकऱ्यांनी मशागत, बी-बियाणे खरेदी, खतांची उपलब्धता आणि मजुरीची व्यवस्था करण्यास सुरुवात केली आहे. अशा परिस्थितीत अवकाळी पावसामुळे झालेल्या नुकसानीची भरपाई मिळेल, अशी अपेक्षा शेतकऱ्यांना होती..Rain Crop Damage: बारामतीच्या पश्चिम पट्ट्यात गारपीट.मात्र एक महिना उलटूनही शासन स्तरावर कोणताही निर्णय न झाल्याने नाराजी व्यक्त होत आहे. अवकाळी पावसानंतर महसूल व कृषी विभागाने तातडीने पंचनामे पूर्ण केले. मात्र नुकसानभरपाईच्या प्रक्रियेला अद्याप गती मिळालेली नाही. खरीप हंगामाच्या तोंडावर आर्थिक अडचणीत सापडलेल्या शेतकऱ्यांसाठी ही भरपाई महत्त्वाची ठरणार आहे..Rain Crop Damage: धुळे, जळगाव जिल्ह्यांना वादळी पावसाचा तडाखा.शिरोळ तालुक्यात चार बारमाही नद्या असल्याने ऊस लागवडीचे क्षेत्र मोठे आहे. त्यामुळे अवकाळी पावसाचा सर्वाधिक फटका ऊस पिकाला बसल्याचे पंचनाम्यांतून समोर आले आहे. याशिवाय उडीद, केळी, भाजीपाला, पेरू आणि आंबा पिकांचेही नुकसान झाले आहे. गेल्या आठवडाभरात झालेल्या पावसामुळे खरीपपूर्व कामांना वेग आला असला, तरी शेतकऱ्यांसमोर आर्थिक टंचाई, मजूरअभाव, खत वितरणातील अडचणी आणि बियाणे खरेदीतील फसवणुकीसारखे प्रश्न कायम आहेत. त्यामुळे शासनाने तातडीने नुकसानभरपाई जाहीर करून शेतकऱ्यांना दिलासा द्यावा, अशी मागणी होत आहे..नुकसानीचे पंचनामे करून अहवाल शासनाला सादर करण्यात आला आहे. मात्र अद्याप भरपाईबाबत कोणताही निर्णय झालेला नाही. शासनाने तातडीने मदत जाहीर करावी, अन्यथा शेतकऱ्यांसह आंदोलनाचा मार्ग स्वीकारावा लागेल, असा इशारा आंदोलन अंकुशचे प्रमुख धनाजी चुडमुंगे यांनी दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
