Weather Update: कणकवली आणि कुडाळ तालुक्याच्या बहुतांश भागाला बुधवारी (ता. २७) पूर्वमोसमी पावसाने चांगलेच झोडपून काढले. जिल्ह्यातील अन्य भागांतही हलक्या सरी कोसळल्या. अचानक झालेल्या जोरदार पावसामुळे आठवडा बाजारासाठी आलेल्या व्यापारी आणि ग्राहकांची मोठी तारांबळ उडाली. मात्र या पावसामुळे उकाड्याने त्रस्त नागरिकांना काहीसा दिलासा मिळाला..बुधवारी सकाळपासूनच जिल्ह्यात ढगाळ वातावरण होते. त्यामुळे वातावरणात प्रचंड उष्मा जाणवत होता. सकाळी अकरानंतर पावसाळी वातावरण तयार होऊ लागले. दुपारनंतर कणकवली आणि कुडाळ तालुक्याच्या बहुतांश भागात मुसळधार पावसाला सुरुवात झाली..Pre Monsoon Rain: सलग दुसऱ्या दिवशी मॉन्सूनपूर्व पावसाचा दणका.कणकवली तालुक्यातील नांदगावपर्यंत जोरदार सरी कोसळल्या. या भागात सुमारे तासभर पाऊस सुरू होता. कुडाळ तालुक्यातही अनेक ठिकाणी दमदार पाऊस झाला. सावंतवाडी आणि देवगड तालुक्याच्या काही भागांत हलक्या सरी पडल्या..Pre Monsoon Rain: पूर्वमोसमी वादळी पावसाने पुणे जिल्ह्याला झोडपले.सायंकाळी उशिरापर्यंत जिल्ह्याच्या बहुतांश भागात ढगाळ वातावरण कायम होते. अचानक आलेल्या पावसामुळे आठवडा बाजारात आलेल्या व्यापारी आणि ग्राहकांची धावपळ उडाली. दरम्यान, पावसानंतर वातावरणात गारवा निर्माण झाल्याने उष्म्याने हैराण झालेल्या नागरिकांना दिलासा मिळाला..आज (ता. २८) सकाळपासूनही जिल्ह्यात ढगाळ वातावरण असून, कोणत्याही क्षणी पावसाला सुरुवात होण्याची शक्यता व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
