Agriculture Water Issue: मोहोळ तालुक्यातील ऐतिहासिक आष्टी तलाव परिसरातील शेतकऱ्यांचा वीजपुरवठा जिल्हाधिकाऱ्यांच्या आदेशानुसार महावितरणकडून चार तासांनी कमी करण्यात आला आहे. त्यामुळे तलाव परिसरातील १६ गावांना आता केवळ चार तास वीजपुरवठा मिळत असून, या पाण्यावर अवलंबून असलेल्या सुमारे तीन हजार एकरांवरील पिके धोक्यात आली आहेत.Agr.जिल्ह्यातील उजनी धरण जसे शेतकऱ्यांची वरदायिनी मानले जाते, त्याचप्रमाणे मोहोळ तालुक्यातील शेतकऱ्यांसाठी आष्टी तलाव महत्त्वाचा मानला जातो. या तलावाच्या पाण्यावर आठ पिण्याच्या पाण्याच्या योजना अवलंबून आहेत. तसेच १६ गावांतील शेतकऱ्यांनी विविध बँकांकडून लाखो रुपयांचे कर्ज घेऊन शेतापर्यंत जलवाहिन्या टाकल्या आहेत. ऊस, कांदा, मका यांसह द्राक्ष, डाळिंब, पेरू, सीताफळ व केळीच्या फळबागांची लागवड करण्यात आली आहे. त्यामुळे शेतकऱ्यांवर मोठ्या प्रमाणात आर्थिक भार आहे..Electricity Supply Affects: जेऊर परिसरातील ऊस वाळतोय; शेतकरी संकटात.सध्या तलावात केवळ ५० टक्के पाणीसाठा शिल्लक आहे. यंदाचा उन्हाळा तीव्र असल्याने पिकांना मोठ्या प्रमाणात पाण्याची गरज भासत आहे. शेतकऱ्यांनी चार ते सहा इंच व्यासाच्या जलवाहिन्या सुमारे पाच किलोमीटरपर्यंत टाकल्या आहेत. मात्र, वीजपुरवठा केवळ चार तास असल्याने पंप सुरू केल्यानंतर जलवाहिन्या भरायलाच एक तास लागतो. त्यात वीजपुरवठा खंडित झाल्यास आणखी अडचणी निर्माण होत आहेत. त्यामुळे पिकांना आवश्यक तेवढे पाणी मिळत नसल्याची तक्रार शेतकऱ्यांनी व्यक्त केली आहे. हातातोंडाशी आलेली पिके आणि फळबागा वाया जाण्याची भीती शेतकऱ्यांतून व्यक्त होत आहे..Rural Electricity Issue: सिंगल फेजवर डल्ला; ३०० गावे अंधारात....या गावांना चार तासच वीजपुरवठातुंगत, रोपळे, मेंढापूर, पेनूर, वडाचीवाडी, खंडाळी, देवडी, कोन्हेरी, पापरी, शेटफळ, तेलंगवाडी, येवती, बैरागवाडी, कुरणवाडी, आष्टी आणि गिड्डेवाडी..वाढत्या तापमानामुळे वीज मागणीत मोठी वाढ झाली आहे. लोड व्यवस्थापन करताना अडचणी येत आहेत. चांगला पाऊस पडल्यानंतरच परिस्थिती सुधारण्याची शक्यता आहे. शेतकऱ्यांनी सहकार्य करावे.- सुशील देवकर, सहायक अभियंता, महावितरण विभागीय कार्यालय, कुरूल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
