Nanded News: नांदेड जिल्ह्यात मॉन्सून्नोत्तर झालेल्या पावसामुळे रब्बी पेरणीला विलंब होत आहे. अनेक भागात पावसाचे प्रमाण अधिक असल्याने जमिनीतील ओल कमी झाली नव्हती. परिणामी शेतकऱ्यांना मशागत करणे कठीण झाले. .यामुळे रब्बी हंगामातील हरभरा, ज्वारी, गहू, करडई पेरणीला विलंब झाला. आजपर्यंत नांदेड जिल्ह्यात ३२.४९ टक्क्यांनुसार सरासरी पेरणी क्षेत्राच्या तुलनेत एक लाख सात हजार ९८६ हेक्टरवर पेरणी झाली आहे. यात सर्वाधीक ८४ हजार हेक्टर क्षेत्रावर हरभरा पेरणी झाल्याची माहिती कृषी विभागाच्या सूत्राने दिली..Rabi Sowing: अकोला जिल्ह्यात रब्बी पेरणीला वेग.नांदेड जिल्ह्यात झालेल्या अतिवृष्टीमुळे खरीप हंगाम वाया गेला. यंदा अतिवृष्टीमुळे विहिरींसह नद्यांना मोठ्या प्रमाणात पाणी उपलब्ध आहे. नांदेड पाटबंधारे विभागाच्यावतीने रब्बी हंगामात पाणी पाळ्यांचे नियोजन केले आहे..यात मानार, लिंबोटी, इसापूर, विष्णुपुरी या प्रकल्पातून पाणी देण्याचे नियोजन केले जात आहे. सिंचनाचे क्षेत्र तसेच पावसाचे अधिक प्रमाण त्यामुळे रब्बीचे क्षेत्र यंदा वाढण्याची अपेक्षा होती. परंतु मॉन्सून्नोत्तर झालेल्या पावसामुळे आजही अनेक शेतकऱ्यांच्या शेतातील ओल हटली नाही. यामुळे शेतकऱ्यांना रब्बीतील पिके पेरण्यासाठी विलंब होत आहे..जिल्ह्यात आजपर्यंत ३२.४९ टक्क्यांनुसार सरासरी पेरणी क्षेत्राच्या तुलनेत एक लाख सात हजार ९८६ हेक्टरवर पेरणी झाली आहे. यात सर्वाधीक ८४ हजार ३८६ हेक्टर क्षेत्रावर हरभरा, दहा हजार ९९४ हेक्टरवर रब्बी ज्वारी, एक हजार ६७६ हेक्टरवर रब्बी मका, सात हजार ४२५ हेक्टरवर गहू, करडई दोन हजार ९१५ हेक्टर, तीळ सहा हेक्टर, रब्बी सूर्यफूल व मोहरी मात्र शेतकऱ्यांनी पेरणी केली नसल्याचे कळविले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
