Jalgaon News: जळगाव जिल्हा परिषदेचे अंदाजपत्रक तयार करण्याची कार्यवाही जानेवारीत सुरू होईल. त्यापूर्वी जिल्हा परिषदेच्या निवडणुका पार पडतील, अशी शक्यता कमी आहे. यामुळे पुढील वित्तीय वर्षाचा अर्थसंकल्पदेखील प्रशासन अंतिम करून त्यास मंजुरी घेईल, असे दिसत आहे. .विविध विभागांमधून निधीसंबंधी आलेली मागणी, शिफारसी यावर अंतिम निर्णय घेऊन अंदाजपत्रकावर तरतूद करण्यात येते. सरत्या वर्षात (२०२५-२६) सुमारे २९ कोटी रुपयांचे अंदाजपत्रक आहे. २०२६-२७ चे अंदाजपत्रदेखील प्रशासन सादर करील, अशी चर्चा राजकीय वर्तुळासह प्रशासनातील जाणकारांत आहे..Jalgaon Zilla Parishad: जळगाव जिल्हा परिषदेत ‘कृषी’साठी कमी तरतूद .जळगाव जिल्हा परिषदेत सुमारे साडेतीन वर्षे प्रशासकराज आहे. सध्या मुख्य कार्यकारी अधिकारी (सीईओ) यांच्याकडे सर्व धोरणात्मक व इतर अधिकार आहेत. निवडणुका पार न पडल्याने अध्यक्ष व अन्य पदाधिकाऱ्यांची नियुक्ती जिल्हा परिषदेत झालेली नाही. यामुळे सर्व अधिकार मुख्य कार्यकारी अधिकारी यांच्याकडे आहेत. यात जिल्हा परिषदेत विविध विभागांसाठी निधीची तरतूद व अन्य वित्तीय आडाखे बांधावे लागणार आहेत. .मार्च महिन्यात जिल्हा परिषदेचे अंदाजपत्र सादर केले जाईल. त्यासंबंधी निधीची तरतूद किती हवी आहे, किती निधी किंवा स्वनिधी आला आहे. नेमके उत्पन्न याची माहिती जानेवारीत गोळा केली जाते. जानेवारी महिना सुरू होण्यास अवघे काही दिवस राहिले आहेत. त्यात जिल्हा परिषदेत निवडणुकांची कुठलीही घोषणा, कार्यवाही सुरू नाही. महिनाभरात निवडणुका पार न पडल्यास अंदाजपत्रकाचे अंतिम काम, मंजुऱ्या प्रशासन घेईल. कारण मार्चपूर्वी अंदाजपत्रक अंतिम करावे लागते..Sangli Zilla Parishad Election : सांगली जिल्हा परिषदेसाठीच्या आरक्षणावरील सर्व ७३ आक्षेप नामंजूर.वित्त विभागात यावर पुढील महिन्यात काम सुरू होणार आहे. कृषी व पशुसंवर्धन विभागासह शिक्षण विभागासाठी सर्वांत कमी तरतूद मागील काळात झाल्याची टीका प्रशासनावर होत आहे. पदाधिकारी, सदस्य राहिल्यास निधीची तरतूद कमी अधिक करता येते. त्याचे अधिकार अध्यक्ष, वित्त विभागाच्या सभापतींकडे असतात. पण जिल्हा परिषदेत सदस्य, पदाधिकारीच नसल्याने अडचण आहे..वित्त विभागाकडून अंदाजपत्रक तयार झाल्यानंतर त्यावर मुख्य कार्यकारी अधिकारी व अन्य वरिष्ठ चर्चा करतात. त्यासंबंधी स्वतंत्र बैठक किंवा सभा घेतली जाते. १० मार्चपूर्वी ही कार्यवाही अंतिम होते. त्यात दुरुस्तीचे अंतिम अधिकार मुख्य कार्यकारी अधिकारी यांना असतील, अशी आहेत. अर्थात मुख्य कार्यकारी अधिकारीच अंदाजपत्रक अंतिम करतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
