Parbhani News: मराठवाड्यातील कापसाची प्रमुख बाजार पेठ असलेल्या परभणी कृषी उत्पन्न बाजार समितीतील टीएमसी कॉटन मार्केट यार्डाची देखभाल दुरुस्ती अभावी दुरवस्था झाली आहे.धूळ,कचऱ्यामुळे शेतकरी-व्यापाऱ्यांना त्रास होत आहे..परभणी कृषी उत्पन्न बाजार समितीमध्ये जाहीर लिलाव्दारे कापूस खरेदीसाठी (टेक्नॉलॉजी मिशन ऑन कॉटन ः टीएमसी) अंतर्गत सुमारे १ एकर जागेवर मार्केट यार्डाची उभारणी करण्यात आली.कापूस खरेदी दरम्यान धुळीचा त्रास होऊ नये यासाठी कॉटन मार्केट यार्डाचे सिमेंट कॉंक्रीटीकरण करण्यात आले होते..Wagheri Market Yard : मार्केट यार्डमुळे कोकणातील शेतीमालाला बाजारपेठ मिळेल.मागील अनेक वर्षापासून देखभाल दुरुस्ती केलेली नाही. सिमेंट निघून गेले आहे.त्यामुळे गिट्टी तसेच गज उघडले पडले आहेत.जागोजागी खड्डे पडले आहेत.प्रवेशव्दाराचे दरवाजे मोडले आहेत.त्यामुळे कॉटन मार्केट यार्डावर खाजगी वाहनांचा मुक्त संचार असतो.ट्रक,टेम्पो आदी वाहने उभी केली जातात..त्यामुळे कापूस विक्रीसाठी आणलेल्या शेतकऱ्यांची वाहने उभी करण्यासाठी अडचणी येत आहेत.वाऱ्यामुळे धूळ,कचरा उडत असल्यामुळे लिलावाच्यावेळी शेतकरी तसेच व्यापाऱ्यांना त्रास होत आहे.भूसार मालाची जाहीर लिलावाव्दारे खरेदी करण्यासाठी लिलावगृह उभारण्यात आले आहेत.परंतु त्यासाठी लिलाव होत नाहीत..लिलावगृहात खाजगी वाहनेरिकाम्या लिलावगृहामध्ये खाजगी वाहने उभी केली जातात.बाजार समिती प्रशासनाने मार्केट यार्डाची देखभाल दुरुस्ती तसेच स्वच्छतेकडे लक्ष द्यावे. गैैरसोय दूर करावी, अशी मागणी शेतकऱ्यांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
