देशातील काही भागात डाळिंब पिकावर विविध रोगांचा प्रादुर्भाव केंद्रीय कृषी आणि शेतकरी कल्याण मंत्री शिवराज सिंह चौहान यांच्याकडून गंभीर दखल शास्त्रज्ञांचे एक विशेष पथक बाधित क्षेत्राला भेट देणार.Pomegranate Crops: देशातील काही भागात डाळिंब फळ पिकावर विविध रोगांचा प्रादुर्भाव झाल्याचे दिसून आले आहे. यामुळे डाळिंब उत्पादक शेतकरी चिंतेत आहे. मुख्यतः राजस्थानातील बालोतरा जिल्हा आणि लगतच्या डाळिंब उत्पादक भागांतील फळबागा यामुळे प्रभावित झाल्या आहेत. याचा गंभीर दखल केंद्रीय कृषी आणि शेतकरी कल्याण मंत्री शिवराज सिंह चौहान यांनी घेतली आहे. त्यांनी याची तत्त्काळ पाहणी करण्याचे आदेश दिले आहेत..भारतीय कृषी संशोधन परिषदेच्या (ICAR) महासंचालकांनी शास्त्रज्ञांचे एक विशेष पथक लवकरात लवकर बाधित क्षेत्राला भेट देण्यासाठी आणि परिस्थितीचा आढावा घेण्यासाठी तैनात करावे, असे निर्देश त्यांनी दिले आहेत..Pomegranate in Heavy Rain: जोरदार पावसानंतर डाळिंब बागेची काळजी कशी घ्याल? .रोगाच्या प्रादुर्भावाची कारणे शोधली जातील. त्यासाठी शेतकरी सध्या अवलंब करत असलेल्या पीक व्यवस्थापन पद्धतींचा आढावा घेण्यात येईल. डाळिंब लागवडीसाठी शेतकऱ्यांनी अवलंबलेल्या तंत्रांचे परीक्षण करण्यासाठी आयसीएआरचे पथक सविस्तर अभ्यास करणार असल्याचे कृषी मंत्रालयाने म्हटले आहे..याबाबत शिवराज सिंह चौहान यांनी सांगितले की, आयसीएआरच्या पथकाने काढलेल्या निष्कर्षांवर आधारावर एक व्यापक कृती आराखडा तयार केला जाईल. या आराखड्यात छाटणी, रोग व्यवस्थापन, खते आणि कीडनाशकांचा योग्य वापर, आधुनिक बागायती पद्धतींला प्रोत्साहन देणे आदी उपाययोजनांचा समावेश असेल. यामुळे पिकांचे आरोग्य सुधारेल आणि नुकसान टाळता येईल..डाळिंबाची गुणवत्ता सुधारण्यासाठी आणि रोग व्यवस्थापनासाठी बाधित शेतकऱ्यांना सर्वप्रकारचे तांत्रिक सहाय्य आणि प्रशिक्षण दिले देण्याचे आश्वासनही कृषिमंत्र्यांनी दिले आहे..Pomegranate Farming: डाळिंबाची गुणवत्ता, दर्जा राखण्यासाठी प्रयत्न.आयसीएआर-सेंट्रल इन्स्टिट्यूट फॉर एरिड हॉर्टिकल्चर (CIAH) बिकानेर, आयसीएआर-नॅशनल रिसर्च सेंटर ऑन पोमेग्रनेट (NRC), सोलापूर; सेंट्रल एरिड झोन रिसर्च इन्स्टिट्यूट (CAZRI), जोधपूर आणि संबंधित कृषी विद्यापीठांचे तज्ज्ञ एकत्रितपणे शेतकऱ्यांना मार्गदर्शन आणि मदत करणार आहेत..केंद्र आणि राज्याचा कृषी आणि फलोत्पादन विभाग, संशोधन संस्था आणि कृषी विज्ञान केंद्रे यांच्या सन्मवयातून या समस्येचे प्रभावीपणे निराकरण करता येईल, असा विश्वास चौहान यांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
