Jalgaon News: खानदेशात केळी, कलिंगड, टोमॅटो, मिरची, पपई या पिकांसाठी मागील महिन्यात पॉली मल्चिंग पेपरचा उपयोग वाढला आहे. कलिंगडासाठी १७ मायक्रॉन व केळीसाठी दर्जेदार २० मायक्रॉनचा पॉली मल्चिंग पेपर शेतकरी घेत आहेत..धुळ्यात शिरपूर, धुळे, नंदुरबारात तळोदा, शहादा व नंदुरबार आणि जळगाव जिल्ह्यात यावल, जामनेर, रावेर, चोपडा तालुक्यात केळीसह अन्य भाजीपाला पिकांसाठी शेतकरी पॉली मल्चिंगचा अधिकचा उपयोग करीत आहेत. यातून उत्पादन वाढीसह पाण्याची काटकसर करण्यास बळ मिळत असल्याचे शेतकऱ्यांचे म्हणणे आहे. मध्यंतरी किंवा डिसेंबरमध्ये पॉली मल्चिंग पेपरची मागणी कमी होती..Poly Mulching Farming: पॉलिमल्चिंगची मागणी घटली.मल्चिंग पेपर व ठिबक सिंचन वापरल्यामुळे शेतकऱ्यांना कमी पाण्यामध्ये चांगले उत्पन्न मिळत आहे. त्याचबरोबर पिकांच्या सोबतीने वाढणाऱ्या तणावरदेखील नियंत्रण राखता येत आहे. त्यामुळे तण काढणीवर होणारा शेतकऱ्यांचा खर्च यामुळे वाचत आहे..पेपरच्या आच्छादनामुळे तापमान आणि आर्द्रता नियंत्रित होत असल्याने पीकवाढीला फायदा होत आहे. त्याचबरोबर किडीचा प्रादुर्भाव होण्यापासून पिकाला वाचविता येत आहे. अतिरिक्त पाऊस झाला तरी त्याचा फारसा परिणाम उत्पादनावर होत नसल्यामुळे मल्चिंगचा वापर अधिक प्रमाणात परिसरातील शेतकरी करू लागले आहेत..Poly Mulching Farming : खानदेशात पॉलिमल्चिंगचा मोठा खप .मल्चिंग पेपर आच्छादनासाठी साधारणतः ३० ते ३२ हजार रुपये हेक्टरी खर्च येतो. यासाठी शासनाची अनुदान योजनादेखील उपलब्ध आहे. या योजनेतून शेतकऱ्यांना १६ हजार रुपयांपर्यंत हेक्टरी अनुदान मिळते. या योजनेला प्राप्त करून घेण्यासाठी कृषी विभागाशी संपर्क करावा लागतो. त्यामुळे या योजनेत अनेक शेतकरी सहभागीदेखील आहेत..रोपे लागवडीस अनुकूलमल्चिंग पेपरबरोबरच शेतकरी मिरची, कलिंगड, टोमॅटो आदींच्या रोपांवर भर देत आहेत. आधी बियाणे जमिनीत रोवून त्या बियाण्याच्या माध्यमातून पिकांची उगवण केली जात होती; परंतु आता शेतकरी तयार रोपांची लागवड करत असल्याने पिकांचा कालावधी काहीअंशी कमी होत आहे..रोपांच्या लागवडीतून पिकाची निगा राखणे शेतकऱ्यांना सोपे जात आहे. रोपलागवडीतून मररोगावर नियंत्रण राखता येत आहे. त्याचबरोबर योग्य खते, तसेच विविध कीटकनाशके तसेच पोषक द्रवाचा वापर करून अधिक उत्पन्न मिळविता येते आहे. एकंदरीत परिसरातील शेतकरी आधुनिक शेतीकडे वळत आहे आणि ते शेतकऱ्यांना फायदेशीर ठरते आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
