Mumbai News : निवडणूक आयोगाने निवडणूक चिन्हांच्या यादीतून पिपाणी (ट्रम्पेट) हे चिन्ह वगळले आहे. यामुळे राष्ट्रवादी काँग्रेस शरदचंद्र पवार पक्षाला मोठा दिलासा मिळाला आहे. श्री. पवार यांनी पिपाणी या निवडणूक चिन्हावर याआधी आक्षेप घेतला होता. हे चिन्ह गोठविण्याची मागणी वारंवार शरद पवार यांच्या राष्ट्रवादीकडून करण्यात आली होती. .त्यांची ही मागणी निवडणूक आयोगाने अखेर मान्य केली.स्थानिक स्वराज्य संस्थांच्या निवडणुकीत उद्धव ठाकरे यांच्या शिवसेनेचे मशाल आणि शरद पवार यांच्या राष्ट्रवादीचे तुतारी वाजविणारा माणूस हे चिन्ह कायम ठेवण्यात आले आहे. या निवडणुकीदरम्यान राज्य निवडणूक आयोगाने अधिकृत राजकीय पक्षांसह मान्यता असलेल्या चिन्हांची यादी जारी केली आहे. .Sharad Pawar : लोकसभेप्रमाणे विधानसभेतही 'पिपाणी'ने पवारांच्या राष्ट्रवादीचे गणित बिघडले; ९ शिलेदार थोडक्यात पडले.त्यातून पिपाणी चिन्ह हटविण्यात आले आहे. लोकसभा निवडणुकीत अपक्ष उमेदवारांना पिपाणी हे चिन्ह देण्यात आले होते. तुतारी चिन्हाशी साधर्म्य असलेले पिपाणी चिन्ह न देण्याची मागणी राष्ट्रवादीने केली होती.लोकसभा निवडणुकीत पिपाणी चिन्हामुळे शरद पवार यांच्या राष्ट्रवादीला फटका बसला होता. अपक्षांना दिलेल्या पिपाणी चिन्हामुळे साताऱ्यात शशिकांत शिंदे यांचा पराभव झाल्याचा दावा शरद पवार यांच्या राष्ट्रवादीने केला होता. .Pipani symbol: निवडणूक आयोगानं 'पिपाणी' चिन्ह वगळलं, शरद पवारांना मोठा दिलासा.विधानसभा निवडणुकीतही पिपाणी आणि तुतारी चिन्हांमध्ये मतदारांचा घोळ झाल्याने ९ ठिकाणी शरद पवार गटाचे उमेदवार पराभूत झाल्याचाही चर्चा त्या वेळी रंगली होती.निवडणूक आयोगाच्या या निर्णयावर आमदार रोहित पवार यांनी ‘एक्स’वर प्रतिक्रिया दिली आहे. ‘‘निवडणूक चिन्हातून पिपाणी (ट्रम्पेट) हे चिन्ह वगळल्याबद्दल निवडणूक आयोगाचे आभार..! .लोकसभा आणि विधानसभा निवडणुकीत या पिपाणीचा खूप मोठा फटका आम्हाला सहन करावा लागला. हाच निर्णय लोकसभा आणि विधानसभेच्या निवडणुकीत घेतला असता तर आजचे चित्र खूप वेगळे असते...! पण असो! देर आए दुरुस्त आए..!’’ असे त्यांनी पोस्टमध्ये म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
