Nagpur News: भटकंती करणाऱ्या मेंढपाळ धनगर समाजाच्या दीर्घकालीन प्रश्नांवर तोडगा काढण्यासाठी नानासाहेब देशमुख कृषी संजीवनी प्रकल्प (पोकरा-२) अंतर्गत अर्धबंदिस्त मेंढीपालन प्रकल्प राबविण्याच्या प्रस्तावास कृषिमंत्री दत्तात्रय भरणे यांनी सकारात्मक प्रतिसाद दिला. मंत्रालयात झालेल्या बैठकीत मेंढपाळ धनगर विकास मंचाचे अध्यक्ष संतोष महात्मे यांनी याविषयीचा सविस्तर प्रकल्प अहवाल सादर केला..निवेदनात, भटकंती करणाऱ्या मेंढपाळांना भेडसावणाऱ्या चराई क्षेत्राच्या कमतरता, वनविभागाच्या निर्बंधांमुळे निर्माण होणाऱ्या अडचणी, पावसाळ्यातील चाऱ्याची टंचाई, अपघातांमधील मेंढ्यांचा मृत्यू, शिक्षण-आरोग्य सुविधांचा अभाव तसेच विपणन व्यवस्थेतील अडथळे यांचा तपशीलवार ऊहापोह करण्यात आला. .PoCRA Phase 2: नानाजी देशमुख कृषि संजीवनी प्रकल्पाच्या (पोकरा) दुसऱ्या टप्यासाठी १०० कोटी ६६ लाख रुपयांचा निधी मंजूर .या पार्श्वभूमीवर शाश्वत आणि संरक्षित पद्धतीने मेंढीपालनासाठी अर्धबंदिस्त मॉडेलची गरज अधोरेखित करण्यात आली. कृषिमंत्र्यांनी प्रस्तावाची गांभीर्याने दखल घेत संबंधित अधिकाऱ्यांना तातडीने सविस्तर अहवाल सादर करण्याचे निर्देश दिले. मेंढपाळ धनगर समाजाच्या शाश्वत विकासासाठी शासन सकारात्मक भूमिका घेईल, असा विश्वास त्यांनी व्यक्त केला. या निर्णयामुळे धनगर समाजाला स्थैर्य, आर्थिक बळकटी आणि सामाजिक मुख्य प्रवाहात समावेश होण्यास चालना मिळेल, अशी अपेक्षा व्यक्त होत आहे..POCRA Project: ‘पोकरा’ भरती पात्रतेतील विसंगतीमुळे नाराजीचा सूर.प्रकल्पाची रूपरेषा‘पोकरा-२’ अंतर्गत शेतकरी उत्पादक कंपनीसाठी असलेल्या गोडाऊन योजनेच्या धर्तीवर मेंढपाळांसाठी स्वतंत्र क्लस्टर किंवा शेतकरी उत्पादक कंपनी स्थापन करण्याचा प्रस्ताव आहे. .उपलब्ध जागेवर अर्धबंदिस्त मेंढीपालन प्रकल्प उभारून त्यामध्ये मेंढ्यांसाठी निवारा, बंदिस्त आवार, अंतर्गत रस्ते, पाणी व वीज सुविधा उपलब्ध करून देण्याची तरतूद सुचविण्यात आली आहे.तसेच मेंढ्यांच्या विक्रीसाठी शासकीय नियोजनाद्वारे पारदर्शक व शाश्वत विपणन व्यवस्था उभारणे, आरोग्य सुविधा व विमा संरक्षण देणे, प्रत्येक जिल्ह्यात ‘कॉमन फॅसिलिटी सेंटर’ अंतर्गत प्रक्रिया यंत्रणा उभारणे आणि चराई व चारा निर्मितीसाठी वन, महसूल विभाग किंवा पडीक जमिनी उपलब्ध करून देण्याचा समावेश प्रस्तावात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
