Crop Insurance Scheme: पंतप्रधान पीकविमा योजनेत एकाच पिकासाठी जिल्हानिहाय प्रीमियममध्ये मोठी तफावत असल्याने शेतकऱ्यांमध्ये नाराजी वाढली आहे. नागपूर आणि वर्धा जिल्ह्यात कपाशीसाठी प्रतिहेक्टर केवळ ६५ रुपये प्रीमियम आकारला जात असताना, चंद्रपूरमध्ये त्याच पिकासाठी १३०० रुपये आणि गडचिरोलीत ५९० रुपये प्रीमियम भरावा लागत आहे. त्यामुळे ‘योजना एक, पीक एक; मग प्रीमियम वेगळा कसा?’ असा सवाल शेतकरी उपस्थित करीत आहेत..राज्य शासनाने खरीप व रब्बी हंगामासाठी सुधारित पंतप्रधान पीकविमा योजना सुरू केली असून नागपूर, वर्धा, भंडारा, गोंदिया, चंद्रपूर आणि गडचिरोली या सहा जिल्ह्यांत तिची अंमलबजावणी होत आहे. यामध्ये कपाशी, सोयाबीन, तूर, मूग, ज्वारी आणि भात या पिकांचा समावेश आहे..Kharif Crop Insurance: सांगली जिल्ह्यात खरीप विम्यासाठी २६ हजार अर्ज.भात पिकासाठीही अशीच विसंगती दिसून येते. नागपूर आणि गोंदिया जिल्ह्यांत प्रतिहेक्टर ६५ रुपये, गडचिरोलीत ५१२ रुपये, तर चंद्रपूरमध्ये १३०० रुपये प्रीमियम निश्चित करण्यात आला आहे. शेतकरी, पीक आणि योजना समान असताना केवळ जिल्हा बदलल्याने प्रीमियममध्ये मोठा फरक का, असा प्रश्न उपस्थित होत आहे..Crop Insurance Scheme: पीकविमा शेतकऱ्यांच्या अपेक्षांपासून दूर.लिलावात स्पर्धा नसल्याचा परिणाम?कृषी विभागाच्या माहितीनुसार नागपूर, वर्धा आणि गोंदिया जिल्ह्यांसाठी युनायटेड इंडिया इन्शुरन्स कंपनी लिमिटेड, पुणे, तर भंडारा, चंद्रपूर आणि गडचिरोली जिल्ह्यांसाठी इफ्को टोकिओ जनरल इन्शुरन्स कंपनी लिमिटेड, पुणे यांची नियुक्ती करण्यात आली आहे. लिलाव प्रक्रियेत इतर विमा कंपन्यांनी सहभाग न घेतल्याने स्पर्धात्मक बोली झाली नाही. .त्यामुळे जिल्हानिहाय प्रीमियममध्ये तफावत निर्माण झाल्याचे कृषी विभागाने स्पष्ट केले. योजनेनुसार खरीप हंगामासाठी विमा हप्ता दोन टक्के, रब्बीसाठी १.५ टक्के आणि नगदी पिकांसाठी पाच टक्के निश्चित करण्यात आला आहे. मात्र प्रत्यक्ष प्रीमियममधील मोठ्या फरकामुळे योजनेच्या समानतेवरच प्रश्नचिन्ह उपस्थित होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
