Chh. Sambhajinagar News : केंद्र सरकारमार्फत शेतकऱ्यांच्या कल्याणासाठी अनेक कल्याणकारी योजना राबवल्या जात असून त्यांची माहिती प्रत्येकाने करून घेणे आवश्यक आहे. या सर्व योजनांचा जास्तीत जास्त शेतकऱ्यांनी लाभ घ्यावा, असे प्रतिपादन खासदार डॉ. भागवत कराड यांनी केले..नवी दिल्ली, पुसा येथून पंतप्रधान नरेंद्र मोदी यांच्या हस्ते ‘पंतप्रधान धन धान्य कृषी योजना’ आणि ‘राष्ट्रीय डाळवर्गीय पिके आत्मनिर्भरता अभियान’ या दोन महत्वाकांक्षी योजनांचा प्रारंभ करण्यात आला.या कार्यक्रमाचे थेट प्रक्षेपण व शेतकरी मार्गदर्शन कार्यक्रमाचे आयोजन कृषी विज्ञान केंद्र, राष्ट्रीय कृषी संशोधन प्रकल्प, आत्मा व कृषी विभाग, छत्रपती संभाजीनगर यांच्या संयुक्त विद्यमाने कृषी विज्ञान केंद्र, पैठण रोड येथे आयोजित करण्यात आला होता. .Agriculture Scheme : कृषी योजनेत प्राधान्यक्रम ठरणार महत्त्वाचा.त्यावेळी डॉ. कराड बोलत होते. यावेळी छत्रपती संभाजीनगरचे जिल्हा अधिक्षक कृषी अधिकारी प्रकाश पाटील, राष्ट्रीय कृषी संशोधन प्रकल्प कार्यालयाचे सहयोगी संचालक संशोधन डॉ.सूर्यकांत पवार, जिल्हा पशुसंवर्धन उपायुक्त डॉ.एन. एस. कदम, जिल्हा परिषदेचे कृषी विकास अधिकारी प्रकाश पाटील, आत्माचे प्रकल्प संचालक अभयकुमार पडिले, कृषी तंत्र विद्यालयाचे प्राचार्य श्री. मुळे, फार्मर्स कॉपारेटिव्हसंचालक गोपीनाथ वाघ, केव्हीकेच्या प्रमुख शास्त्रज्ञ डॉ. दीप्ती पाटगावकर, एनआयसीचे तंत्र अधिकारी अमोल ढेपे यांच्यासह विविध विभागाचे अधिकारी कर्मचारी यांची उपस्थिती होती..Agriculture Scheme Maharashtra : कल्याणकारी योजनेला ऑनलाइन अडचणी.डॉ. कराड म्हणाले की, सुधारित जीएसटी मुळे सर्वसामान्य जनतेला फायदा होणार आहे. यामुळे बरेच शेतकरी बांधव कृषी यंत्रे खरेदी करत आहेत. तसेच दैनंदिन खरेदीसाठी देखील पैशांची बचत होत आहे.कार्यक्रमाचे प्रास्ताविक केव्हीकेच्या प्रमुख डॉ. दिप्ती पाटगावकर यांनी केले. यावेळी डॉ. सूर्यकांत पवार, डॉ. एन. एस. कदम डॉ. अनिता जिंतूरकर यांनी विविध विषयावर मार्गदर्शन केले. कार्यक्रमाचे सूत्रसंचालन व आभार डॉ. अनिता जिंतूरकर यांनी केले..३५ लाख हेक्टर नवीन क्षेत्र डाळपिकांखाली नेणारडाळवर्गीय पिकांचे उत्पादन २०३०-३१ पर्यंत ३५० लाख टनांपर्यंत नेण्याचे लक्ष्य निर्धारित केले आहे. यासाठी ३५ लाख हेक्टर क्षेत्र नवीनपणे डाळपिकांखाली आणले जाईल. सहभागी राज्यांतील शेतकऱ्यांकडून पुढील ४ वर्षांत तूर, उडीद व मसूर यांची १०० टक्के खरेदी हमीभावावर केली जाणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.